JINHA

ŞIRNEX - Li Cizîrê, 2 jê jin 3 kes îro ji aliyê hêzên dewleta Tirk ve hatin qetilkirin. Ji ber êrîşên giran, cenazeyê Adîla Karadûman li naverastê ye û nikare were rakirin.

Li Cizîra Botan, "qedexeya derketina derve" û terora dewleta Tirk di roja 10. de ye. Dewleta Tirk bi 10 hezar leşker, bi hezaran maşînên zirxî û tankan êrîşî qadên xwerêveberiyê dikin. Tevî vê yekê jî nikare bikeve nava taxan. Lê belê dewlet êrîşên xwe bi qetilkirina sivîlan re didomîne.

Li taxa Sûrê ya navçeya Cizîrê, ji ber êrîşa çekdarî ya polîsên dewleta Tirk, bavê 5 zarokan Dîkran Sayaca jiyana xwe ji dest da. Li taxa Nûrê jî Azîme Aşan a 50 salî, ji ber top li mala wê ket, jiyana xwe ji dest da. Şêniyên taxan bi bilindkirina ala spî, cenazeyên mirovên hatin qetilkirin gihandina ambûlansan û cenaze rakirin morga Nexweşxaneya Dewletê ya Cizîrê. Jina bi navê Adîle Karadûman a 55 salî ku derket ber deriyê mala xwe ya li nêzî Mizgeta Şêx Feyzûllah a li Taxa Cûdî, bi guleyên polîsên taybet ên Tirk hat qetilkirin.

Ji ber êrîşên giran ên dewletê, cenazeyê Adîle li kolana lê hatiye qetilkirin e û nikare were rakirin.

(rc)