JINHA

GIRÊ SPÎ - Jinên ku li Rojava rêxistinbûna xwe berfireh dikin, li tevahî qadan cih digrin û xebatê înşakirina jiyan nû didomînin. Gundê Til Findir yê Girê Spî bi pêşengiya Rêxistina Yekîtiya Star civînek li darxistin û komîna jinan li gund avakirin.

Şoreşa Rojava a ku bi pêşengiya jinan pêk tê, xebatên înşakirina civaka xweseriya demokratîk li tevahî qadê jiyanê pêk tê. Bi avabûna şoreşê re jin li her tevahî qadan xwe bi rêxistin dike. Rêxistina Yekîtiya Star li gundê Til Findira Girê Spî a Kantona Kobanê civînek ji jinan re li darxist. Di civînê de Hevseroka Xweseriya Demokratîk a Girê Spî Leyla Mistefa, endamên Rêxistina Yekîtiya Star û gelek jin amede bûn.

'Bi rêya komînan em ê pirsgirêkê xwe çareserbikin'

Civîn piştî rêzgirtinê destpêkir û axaftina vekirinê ji aliyê Rêvebera Rêxistina Yekîtiya Star Buhar Cûdî ve pêk hat. Buhar da zanîn ku komîn cewhera civakê ye û derbarê, siyaset, civak û tenduristiyê de nirxandinên giştî pêk anîn. Buhar destnîşan kir ku bi rêya komînan ew ê gelek pirsgirêkên civakî çareser bikin û got ku komîn wê bibe wesîleya pêşxistina bîrdozî, civak û siyasetê.

Piştî li ser girîngiya komîn û komîte hat nirxandin meclîsên komînê hatin hilbijartin. Di hilbijartinê de Cengiyan Derwîş bû rêvebera komînê. Her wiha komîteyên parastinê, perwerdê, lihevhatin û xizmetê hat avakirin.

(rc)