JINHA

STENBOL - Li Stenbolê Yeliz Erbay û Şirin Oter ên ji aliyê polîsan ve hatîn înfazkirin hatin defin kirin. Di merasîma cenaze de Hevseroka Gitşiya HDP'ê Figen Yuksekdag got: "Ser malan de digirin û mirovan qetildikin. Li gel wan jî çekan dihêlin û ji bo wan terorist dibêjin."

Ji bo Yeliz Erbay û Şirin Oter ên li Taxa Karadeniz a navçeya Gaziosmanpaşa ya Stenbolê polîsan bi ser mala wan de girtîn û ew înfaz kirîn li Cemeviya Gaziyê merasîma cenaze hat lidarxistin. Cenazê Yeliz û Şirin ên ku duh bi şev birin Cemeviya Gaziyê heya serê sibê hevalên wan û malbatên wan li ber serê wan bûn. Bi boneya merasîma cenaze ser tevahî Cadeya Îsmetpaşa alayên zer hatin daleqandin. Pankartên silavkirina helwesta rêxistinên şoreşger û jinên komunîst li hember polîsan hatin vekirin.

Dema ku welatî ji bo merasîma cenaze diherikîn ber cemeviyê, polîs ji bo tahrîkê bi wesayîtên zirxî li dora cemeviyê digeriyan. Gel bi diruşmên "Polîsên qatîl ji Gaizê derkevin" bertek nîşandan.

Di merasîmê de Seroka Giştiya ESP'ê Sultan Ulusoy û Hevseroka Giştiya HDP'ê Figen Yuksekdag, Parlementer Garo Paylan, xizmên kesên di qirkirina Pirsusê de jiyana xwe jidest dane û xizmên kesên di berxwedana Rojava de jiyana xwe jidest dane jî amadebûn.

Rêveberên HDP û HDK'ê, rêveberên Partîzan û partiyên şoreşger jî ji bo şebdarbûna merasîmê li cemeviyê amadebûn.

Di ketina ceneviyê de Figen Yuksekdag daxuyanî da çapemeniyê. Figen diyar kir ku di nava 5 mehan de 5 jinên şoreşger hatin înfazkirin û wiha domand: "Ser malan de digirin û mirovan qetildikin. Li gel wan jî çekan dihêlin û ji bo wan terorist dibêjin."

Yeliz û Şirin bi alayên MLKP û KKO yê hatin pêçan û jinan li ser milê xwe birin. Bi diruşmên weke "Bijî partiya me MLKP" cenaze ji cemeviyê derxistin û bi tevlîbûna hezaran welatiyan merasîma cenaze despêkir. Piştî merasîmê cenaze birin Goristana Gaziyê.

(zt)