JINHA

MÊRDÎN - Li taxên Saray û Tepebaşi yên Kerboranê ji bo protestokirina dorpêçê çalakiya runiştinê hat despêkirin. Welatiyên di çalakiya runiştinê de gotin: "Ger mirinek hebe bila li ser axa me be. Ne em ew êsîrê vî şerî ne."

Li navçeya Kerborana Mêrdînê êrîş di roja 13'an de berdewam dike. Li hember êrîşan berxwedana gel jî li piş barîkatan berdewam dike. Li taxên Saray û Tepebaşi yên Kerboranê ji bo protestokirina dorpêçê çalakiya runiştinê hat despêkirin. Ji nava çalakiyê dengê diruşmên weke "Kurdistanê dê ji faşîzmê re bibe goristan" û “Biji berxwedana Kerboranê” bilind dibe. Ji nava welatiyan Gulê Kaya axivî. Gulê diyar kir ku dewlet dixwaze bi êrîşan wan neçarî koçberiyê bike û wiha domand: "Her roja diçe kurd li dora berxwedanê mezin dibin û kilît dibin. Hêzên dewletê dixwazin bi qutkirina elektirîk û avê me ji ser axa me koçber bikin. Lê em ji wan baştir dizanin ku emê çawan li ser vê axê bijîn. Ger tank û topên wan hene, yê me jî tilîlî û barîqatên me hene. Ger mirinek hebe bila li ser axa me be. Ev 13 rojin li vêderê qedexe heye. Ne em ew mexdurê vî şerî ne."

Çalakiya gel a runiştinê bi diruşme û govenda berxwedanê berdewam dike.

(zt)