JINHA

AMED - Cenazeyê Serhat Dogan (19) ê ku duh di êrîşên hêzên dewletê de jiyana xwe ji dest da, ji aliyê Dayikên Aşitiyê ve li derdora Minara Çarling ji ciwanan hate wergirtin.

Cenazeyê Serhat Dogan (19) ê ku duh li Taxa Hasirli ya navçeya Sûrê, di êrîşên hêzên dewletê de jiyana xwe ji dest da, ji aliyê Dayîkên Aşitiyê ve li derdora Minara Çarling ji ciwanan hate wergirtin. Piştî parlamenterên HDP'ê û Dayikên Aşitiyê bi rayedarên emniyetê re hevdîtin kir, destûr hate dayîn ku Dayîkên Aştiyê biçin herêma ku pevçûn heye. Her du dayik, li derdora Minara Çarling cenazeyê SerhatDogan ji ciwanan wergirtin. Piştî cenaze ji "herêma qedexe" hate derxistin, bi wesayîta cenazeyê birin Nexweşxaneya Lêkolîn û Perwerdehiyê ya Gazî Yaşargîl a Amedê. Piştî karên otopsiyê dê cenazeyê Serhat Dogan ji bo definkirinê radestî malbatê were kirin.

Her wiha hate ragihandin ku di encama topebarana ku ji duh ve tê kirin de 20 welatî jî birîndar bûne. Hate diyarkirin ku di nav birîndaran de 3 kal, 4 zarok û 7 jin hene û rewşa hin ji wan giran e.

(zt)