Rabîa Eto/JINHA

KOBANê - Ji ber şert û mercên şer û hatina demsala zivistanê re welatiyên Kobanê zehmetiyên mezin dikêşin. Jinên Kobanê dan zanîn ku ji ber buhabûnê ew nikarin debara jiyana xwe bi hêsanî pêk bînin û destnîşan kirin ku şer bandorek mezin li ser jiyana civakê dike.

Piştî êrîşê çeteyên DAIŞ'ê ên li ser Kantona Kobanê bajar bi temamî hat hilweşandin. Welatiyên ku ji ber êrîşê çeteyên DAIŞ'ê neçar mabûn koçbikin, piştî berxwedana bê hempa ên şervanên YPG û YPJ'ê Kantona Kobanê bi temamî ji dagirkeriya çeteyan hat rizgar kirin. Welatiyên Kobanê piştî vegeriyan warên xwe dest bi înşakirina Kobanê kirin. Lê ji ber şert û mercên giran ên şer ku belavî her derî dibe bandorek mezin li ser jiyanê dike. Jinên Kobanê derbarê jiyan û zehmetiyên ku dijîn nirxandin kirin. Jinan anîn ziman ku ji ber hatina demsala zivistanê ew zehmetiyên mezin dikêşin û banga rakirina dorpêça li ser Kantonan kirin

'Êşê tevahî gelê me yeke'

Hemrîn Ehmed yê ku bi bazirganiyê re mijûl dibe wiha qala zehmetiyan kir, "Ji ber şer û dorpêçên li ser Kantonan her tişt buhabûye. Em nikarin cil, sebze û fêkî bistînin. Zivistan hatiye, sare lê em nikarin pêdiviyên xwe pêşwazî bikin. Êşê tevahî gelê me yeke. Ji bo ku em pêdiviyek jiyanî bistînin heya bajarê Qamişlo em neçar dimînin biçin. Dorpêça li ser Kobanê welatiyan dixe nava zehmetiyan. Divê ev dorpêç li ser kanotê bê rakirin ku gel bikaribe pêdiviyên xwe bi hêsanî pêşwazî bike."

'Şer bandorek mezin li ser jiyanê dike'

Medîne Mihemed Elî jî wiha got, "Welatî ji vê buhabûnê bêzare. Em karê bazirganiyê dikin, ji ber bûhabûnê em jî tengavî dikêşin. Divê dorpêça li ser Kantonê bê rakirin. Em nikarin debara jiyana xwe bi hêsanî pêk bînin. Şer bandorek mezin li ser jiyanê dike û her zêde bandor li jinan dike."

(rc)













.