Hulya Okalîn- Zeynep Durgut/JINHA

COLEMÊRG - Endama Komeleya Mafê Mirovan a Colemergê Perîhan Çîftçî der barê girtiyên nexweş de axivî û destnîşan kir ku di di girtihên Kurdistan û Tirkiyê de 300 jê giran 756 girtiyên nexweş hene. Perîha bang li her kesê kir ku deng bibin qêrîna girtiyên nexweş.

Êrîş û bin pê kirina mafê girtiyan her ku diçe di girtigehên bakûrê Kurdistan û Tirkiyê de zêdi be. Li gorî raporên Komeleya Mafê Mirovan ÎHD’ê heya niha di girtigehên bakurê Kurdistan û Tirkiyê de hêjmara girtiyên nexweş gihiştiye asta herî bilind. Di girtîgehan de 300 jê giran 756 girtiyên nexweş hene û gelek ji wan nayên derman kirin.

Endama Şaxa Komeleya Mafê Mirovan (ÎHD) a Colemêrgê Perîhan Çîftçî, di der barê rewşa girtiyên nexweş de agahî da û diyar kir ku her roj girtiyên nexweş bi mirinê re rû bi rû ne û haya tu kesî ji wan tune ye. Perîhan da zanin ku her roj hejmara girtiyên nexweş zêde dibe û ligel vê yekê hikûmet rola sê maymunan dilîze û wiha axivî: “Di girtîgehan de heya niha 300 jê giran 756 girtiyên nexweş tekoşîna jiyanê didin. Ji destpêka xetereya rewşa girtiyên nexweş û şun de em wek komeleya mafê mirovan ji bo balê bikişinin ser rewşa girtiyan bi hezaran çalakiyên cur bi cur li dar xist. Lê hikûmet li hemberî hemû hewldan û çalakiyên me bêdeng ma û tu gorandin di rewşa girtiyan de çêne bû.”

‘Bila girtîgeh nebin gorîstan’

Perîhan got ku di girtîgehan de komkujî heye û divê her kes deng bi de dengê girtiyan û wiha domand: “Em wek dengê girtiyan li hemberî vê komkujiyê bi girtiyan re li ber xwe didin. Divê hemû kesên xwedî vîn û wîjdan divê deng bidin qêrina girtiyên nexweşan. Di girtigehan de hemû jî xûşk û birayên me ne. Divê em hemû ji bo wan li ser piyan bin û xwedî li wan derbikevin û em ji bo wan li derve têbikoşîn.”

‘Dewlet berî 15 salan girtiyan bi zindî şewitandin’

Perîhan êrişên ku di 19’ê Kanûna 2000’an de bi navê “Vegera Jiyanê” li hemû girtîgehên Tirkiyê dan destpê kirin û komkujî pêk anin bibir xist û got ku dewlet berî 15 salan ji bo vîna girtiyan bişkîne êrîşên giran bir ser wan lê bi ser neket û wiha pê de çû: “Dewleta tirk li hemberî têkoşina gelê kurd neçar dimîne û ji bo vîna gel bişkinê êrîşê girtiyan dike. Berî 15 salan xwes bi hezaran girtiyan di girtigehê de bi şewîtine. Lê çî bû? Girtî bi vînek mezin li hember hemû zordariyan li ber xwe dan û hêzên dagirker têk birin.”

Perîhan der birî ku di girtîgehan de girtî jiyana xwe jidest didin û civak li hemberî mirina wan bêdeng e. Perîhan ji bo xwedî derketina girtiyên nexweş û rawestandina polîtîkayên qirêj bang li her kesê kir û got ku di girtigehan de mirov dimîrin divê her kes deng bibe dengê girtiyan.

(zyd-ho/zt)