JINHA

WAN - Zarokên ku ji ber êrîş û komkujiya çeteyên DAIŞ'ê reviyan û li Wanê di konteyniran de dijin anîn ziman ku ew dixwazin cardin vegerin Kobanê. Yek ji daxwazên zarokên Kobanê jî dibistan û perwerdehiye. Zarokan anîn ziman ku encax dibistan dilê wan xweş bike û ji ber dibistan tune gelek xemgin in.

Di sala 2014'an de çeteyên DAIŞ'ê êrîşî bajarê Kobanê kirin. Ji ber êrîşên çeteyên DAIŞ'ê di nav de jin û zarok jî heyî gelek mirov ji cîh û warên xwe koçberbûn. Bi hezaran weletiyên ku ji welatê xwe koç bûn sinorê Tirkiyê û bakûrê Kurdistanê derbas kirin û li gelek bajaran di kombajaran de hatin bicihkirin. Şaredariya Bajarê Mezin a Wanê jî ji bo welatiyên jî Kobanê hatin li taxa îstasyona navçeya Tuşba di konteyniran de hatin bicihkirin. Pîştî ku Kobanî li konteyniran hatin bicihkirin ji bo zarokan jî dibistanên kurdî hatin vekirin. Lê pişt re dibistanên hatin vekirin, cardin girtin û niha zarok bê dibistan û perwerdene. Dibistana ku di maha havînê de hat vekirin 75 zarok tê de wane didîtin. Ev jî pîçek be jî bandora şerê giran ser zarokan kêm dikir. Zarokên ku niha ti perwerdehiyê nabinin ji bo niha dibistan tune gelek xemgin in.

'Dibistana me hat girtin û em gelek xemgînin'

Zaroka bi navé P.S (13) li konteyniran diminin got ku dema li Kobanê bûn li dibistanan perwerdehiya zimanên kurdî, erebî û îngilîzî diditin û niha cardin dixwazin vegirin wan rojan. P.S anî ziman ku ew cardin dixwaze weke rojên Kobanê bijin û ev tişt gotin: "Em li Kobanê gelek keyfxweş bûn. Lé mixabin şer hat bajaré me û em darbasî tirki bûn û em hatin Wané li vir Şaredarî ji bo me konteynir avakirin û em zarok ji birnékirin ji bo me zarokan ji dibistana zimané kurdî ava kirin û em zarok gelek keyfxweşbûn. Lê niha tune û em gelek xemgin in."

'Em dibistané dixwazin'

Zaroka bi navé H.Y (13) jî ani ziman ku ew dibistan û perwerdehiyê dixwazin û wiha axivî: "Kobanê bajarek pir xweşik bû. Em li wir gelek keyfxweşbûn û em diçûn dibistana xwe me dersan cur bi cur di dîtin roja me xweş derbas dibû û gel hevalén me hebûn. Em bi hevalên xwe re dilîstin. Dema ku em hatin bajarê Wanê ji bo me dibistanên kurdî hatin vekirin. Em gelek keyfxweş bûn. Niha tune û hemû zarok gelek xemgin in."

Zaroké bi navé C.Y (12) jî got ku daxwaza wan tenê cardin vegera Kobanê ye lê ji ber şer heye newêrin biçin wir û li wir bîjin. C.Y jî wek hemû hevalên xwe dixwaze bi biçe dibistanê û perwerde bibine."

'Min bêriya welaté xwe kirîye'

Zaroké bi navé H.M (13) jî wiha axivî: "Em li Qamişlo dijiyan, mixabin li wê şer çê bû û em ji wir bi dilêk dilşikestî veqetiyan. Li wir jiyanek me xweş hebû em dixwazin cardin vegerin wir û cardin wek bêr di nav aramiyê de bijin."

(hk-db/ho/zt)