JINHA

AMED - KJA'yê di 9'ê Çileya 2016'an de wê li Qada Batikentê ji bo 3 jinên siyasetmedar ên ku li Parîsê hatine qetilkirin meşek li darbixin.

Kongreya Jinên Azad (KJA) wê li Amedê ji bo 3'ê jinên siyasetmedar ên ku li Parîsê di 9'ê Çileya 2013'an hatine qetilkirin çalakî li darbixe. KJA'ê dê li navçeyan jî çalakî li darbixe û di heman demê de li Amedê di 9'ê Çileyê de wê li Qada Batikentê bi jinan re bên ba hev. Jinên ku wê li Qada Batikentê çalakiyek mezin li darbixin, duvre dê çalakiya meşê pêk bînin û komkujiyê protesto bikin.

KJA dîroka çalakiyan wê di navbera 1 û 9'ê Çileyê de pêk bîne. Ji bo çalakiyên navçeyan jî dê civînek li darbixin. Li navçeyan wê meş, temaşekirina sinevîzyonan û daxuyanî çapemenî bên dayîn. Derbarê çalakiyên navçeyan de hîna agahiyên zelal ne hatine sitandin. KJA'ê da zanîn bi armanca salvegera Komkujiya Parîsê ya li dijî sê siyasetmedarên jin ên têkoşer Sakîne Cansiz, Fîdan Dogan û Leyla Şaylemez wê li qadan bin û banga tevlîbûnê li tevahî jinan hat kirin.

(rc)