JINHA

AMED - Li Surê di roja 23'an de qedexeya derketina kolanan berdewam dike. Di tevahiya şevê de sewqiyata leşkerî berdewam kir. Ji nava navçeya ku dengê teqînên mezin derdikeve ji ber berxwedana gel polîs li gelek deveran neçar man gav paşde bavêjin. Hat zanîn ku cenazê du kesên jiyana xwe jidest dane hîna li navçeyê di nava kolanê dene. Welatiyek ji nava navçeyê agahî da û got: "Bi tang, topan û her awayê çekan êrîşî me dikin. Li vêderê amadekariyên qirkirinek mezin dikin. Divê gelê Amedê li hemberî vê qirkirinê rabe ser lingan, ger enrabe em hemû bi qirkirinê re ru bi rune."

Li navçeya Sura Amedê di roja 23'an de qedexeya derketina kolanan berdewam dike, tevahiya şevê êrîşên giran berdewam kirin. Li navçeya teqînên mezin derketin de elektirî hatiye birîn. Bi tangan navçeyê topbaran dikin, agahî ji navçeyê nayê girtin.

Li Sura ku sewqiyata leşkerî berdewam dike ji ber berxwedana rêveberiya cewherî di serî de li taxa Hasirli û taxên şer polîsên tîmên tayîbet neçarman gav paşde bavêjin. Ji tangên li ber avahiya Meclisa Taxa Hasirliyê daniyîn navçeyê topbaran dikin.

Hat zanîn ku polîsên tîmên tayîbet malên gel îşkal dikin, dîwarên malan quldikin û hewildidin wiha berxwedana gel bişkînin.

Di êrîşên şevadinê de endamê YDG-H yê Mesut Seviktek (Rizgar Lice) jiyana xwe jidest da, di şevê de kesekdin ê navê wî nehat zanîn jî qetilkirin.

Hîna cenazê Mesut û kesê navê wî nayê zanîn li kolanê dimîne.

Li Surê welatiyekê xwe gihand me û got: "Bi tang, topan û her awayê çekan êrîşî me dikin. Li vêderê amadekariyên qirkirinek mezin dikin. Ji bo gel teslîm bigirin dest bi çemberê kirine. Divê gelê Amedê rabe ser lingan."

Zubeyde Zumrut: Têkevin nava tevgerê yan jî dê her kes berpirsbibe

Koordinasyona Navenda Amedê ya KJA yê di derbarê rewşa Surê de banga lezgîn kir. Endama Koordinasyona KJA yê Zubeyde Zumrut diyar kir ku di derbarê qirkirina bê jiyankirin de her kes berpirse. Zubeyde da zanîn ku polîsên tîmên tayîbet bi tang û balyozan dîwarên malan xira dikin û li peyî qirkirinek mezinin. Zubeyde anî ziman ku deng top û çekên kar tînin hatine guhertin êdî awayê êrîşê guherîne, çekên herî giran dixebitînin û wiha domand: "Li Surê hemû avahiya hildiweşînin, hewildidin xwe bigihînin hindir û qirkirinê bikin. Lê mixabin di derbarê rewşa Surê û tiştên tên jiyan kirin de bêdengiyek mezin heye. Divê her kesên alîgirê demokrasiyê ruyê xwe vegerînin ser Surê. Dê îşev li Surê çî bê jiyankirin em nizanin. Lê emdizanin ku niha ser Surê êrîşên giran berdewam dikin. Divê demek ji ya dinê zutir gel li hember van êrîşan dengê xwe derxînin. Divê ev berxwedan belavî her deverê bibe. Bi awayê dinê, bi meş û çalakiyên dinê emê nikarin bibin bersiva Surê. Li Surê texrîbatên mezin heneû webayê wê girane."

(zt)