Oykû Dîlara Keskîn/JINHA

STENBOL - Xebatkar û bernamekara Ozgur Radyo yê Zeynep Derya Yildiz bi armanca salvegera 20. avakirina Ozgur Radyo bang li her kes kir ku di 6'ê Çilê de tevlî pîrozbahiyê bibe û wiha got, "Tundiya tevahî hikûmetan me hîsdikir. Em nabêjin di hin pêvajoyan de me xebatên xwe bi hêsanî rêvebiriye. Em nûçeyên girêdayî ked, jin, karker û çîna bindest çêdikin. Radyo di heman demê de radyo jinan e, ji ber vê xebatê me bi rêzkarî rêve diçe."

Ozgur Radyo bi dirûşmeya "Dengê cûda û nirxandinên cûda" di sala 1995'an de dest bi weşana xwe kir. Ozgur Radyo bi weşana xwe 20 salan li şûn xwe hêşt. Ozgur Radyo a ku ji tevahî radyoyan re qadê fereh kiriye, bi bernameyên stranan daxwazê gel gihandiye hev û bi nûçeyên xwe ên ku rastî diparêze tê bîra mirov. Taybetmendiya Ozgur Radyo yê herî balkêş jî piraniya xebatkarên wê ji jinan pêk tê. Ozgur Radyo hem dengê jin û çînê bindest dertîne pêş hem jî bi stranên ji netewên cûda rengek cûda dide weşana xwe.

'Ozgur Radyo ne qutîka mûzîkê ye'

Xebatkar û bernamekara Ozgur Radyo yê Zeynep Derya Yildiz diyar kir ku Ozgur Radyo ne qutîka mûzîkê ye, nûçeyên rast raghandina ji gel re ye. Zeynep da zanîn ku Ozgur Radyo alîgirê dengê gelê bindeste û wiha domkir: "Ozgur Radyo bi vê armancê hat avakirin. Ji ber ku medya navendî agahiyan rast ji gel re ranaghîne. Em hewl didin nûçeyên ji aliyê jin, çînê bindest û kedkaran ve çêkin."

'Kîjan hikûmet hatibe ser erkê me tundî hîskiriye'

Zeynep da zanîn ku li hin kargehan destûr nadin Ozgur Radyo bê vekirin û got, "Di encamê de sermaye hikûmetê dixe bin bandora xwe ew jî tundiyê li hember me pêk tînin. Ji ber vê bi hincetên vala sê cara radyo yê me girtin. Kîjan hikûmet hatibe ser erkê me tundî hîskiriye. Ti car me negotiye ev hikûmet ji yê din çêtire." Zeynep anî ziman ku li beramberî hemû êrîşan ew weşana xwe bi rengê xwe pêk tînin.

'Ozgur Radyo di heman demê de radyoyê jinan e'

Zeynep got, "Bi gelek zimanan em weşanê dikin, lê xwazî bi her zimanê me karîba bernameyan pêşkêş kiriba. Bernameyên me ên pirsgirêkê LGBTİ'an, xwendekar, karker tên pêşkêş kirin. Li aliyê din bernameyê komêdî tê pêşkêş kirin. Ji ber hêjmara jin li radyo zêdeye dihêle ku xebatê me bi rêzkarî rêve biçe. Jin bi ziravtiyê xwe di nava karde cih digre û girîngî dide navaroka mijaran. Radyo di heman demê de radyo jinan e." Zeynep wiha dawî li gotina xwe anî: "Di nava 20 salan de radyo gelek car hat girtin û vekirin, tevî ceza û girtinan me xebata xwe heya roja îro domand. Rêveberê weşana me di girtîgehê de ma lê beramberî hemû astengiyan di sala xwe yê 20. de weşanê dike. Em ê di 9'ê Çileyê de saet 18.30'an de li Navenda Bostanci Gosterî konser wê bi armanca salvegera weşanê radyo pêk were. Di konserê de Rojda, Hûseyîn Turan, Îlkay Akkaya û koma Yenî Turku dê cihê xwe bigre. Bi vê wesîleyê em her kesî dewata şahiyê dikin."

(rc)