JINHA

AMED - Li hember dorpêça ser Surê KCD, HDP, DBP, Şaredariya Bajarê Mezin a Amedê û hemû hevserokên têkelên Amedê li Surê dest bi çalakiyê kirin. Hevserokan diyar kirin ku heya dorpêç neyê şikandin dê çalakiya xwe berdewam bikin.

Li Sura Amedê di roja 23'an de qedexeya derketina kolanan berdewam dike. Duh Navenda DBP'a Amedê li hemberî qirkirina li Surê bê jiyankirin banga lezgîn çalakiyan li her kesê kir. Piştî bangê li Amedê tevahiya şevê çalakiyan berdewam kir. Li Taxa Îskenderpaşa Hevşaredara Rezan Birsen Kaya Akat û Hevşaredara Surê Azize Deger dest bi çalakiya runiştinê kirin. Niha jî li Surê KCD, HDP, DBP, Şaredariya Bajarê Mezin a Amedê û hemû hevserokên têkelên Amedê li Surê dest bi çalakiyê kirin. Hevseroka KCD'ê Selma Irmak, Hevseroka Giştiya DBP'ê Emîne Ayna, parlementerên HDP'ê yên Amedê Sibel Yigitalp, Hevşaredarê Bajarê Mezinê Amedê Firat Anli jî di navê de gihiştin Cadeya Melikahmet. Hevserokan diyar kirin ku heya dorpêça ser Surê neyê rakirin dê ji wê dernekevin.

Li aliyê dinê ji bo girtina cenazê Serhat Dogan ê ku li Surê duh jiyana xwe jidest dayî li ber Nexweşxana Perwerde û Lêkolînê ya Gazi Yaşargilê gel rawestane. Ji bo merasîma cenaze gel ber bi Parka Koşuyoluyê ve diherikin.

(zt)