JINHA

ŞIRNEX - Gelê Hezexê ku di seatên sibê de ber bi Cizîrê ve derket rê ligel êrîş û astenga duyemîn jî riya xwe didomîne. Gelê ji astengiya dewletê borî bi sloganan dimeşe.

Gelê Hezexê yê ber bi Cizîrê ve derketî rê li Bajaroka Deştadarê rastî êrîşa duyemîn a dewletê hat. Hêzên dewletê yê pêşiya girseyê bi panzer û wesayîtên zirhî girtin, destûra meşê nedan. Li ser israra gel, hêzên dewletê bi bombeyên gazê êrîş kirin. Gel bi slogana, "Bijî berxwedana Cizîrê" bersiv da.

Gelê Hezexê li ser êrîşên dewletê cardin ket nav zeviyan û ji astenga ji hêla hêzên dewletê ve hatiye avakirin, derbas bû. Piştre cardin gel gihişte hev û meşa xwe domand. Gel di dema meşê de sloganên, "Bijî Serok Apo", "Bijî berxwedana Cizîrê" û "PKK gel e gel li vir e" diavêje û tîlîliyan dikişîne. Meşa gel didome.

Di vê navberê de hêzên dewletê şivanek li herêmê pezê xwe diçerand, girtin binçavan.

(ekîb/eb/zt)