JINHA

ŞIRNEX - Li navçeya Cizîrê ku êrîş berdewam dike bi hezaran welatî daketin kolanan û êrîş şermezar kirin. Parlamenterê HDP'ê Faysal Sariyildiz jî beşdarî meşê bû û bang li gelê kurd kir ku tevli berxwedanê bibin.

Li navçeya Cizîr a Şirnexê êrîşên hêzên dewletêyên li hemberî taxan berdewam dike, bi hezaran kesên ku qedexe nas nekirin li taxa Yafesê li ereziya vala hatin cem hev. Ji vir ber bi navenda navçeyê ve meşiyan û di meşê de dirûşmên "Bijî berxwedana Cizîrê" "Em ê bi berxwedanê bi ser kevin" "Kurdistan dê ji faşîzmê re bibe goristan" berz kirin.

Girse ay ku ji taxên Alîbey û Dîcleyê derbas bûn hatin taxa Nûrê. Li vir parlamenterê HDP'ê Faysal Sariyildiz axivî û diyar kir ku êdî hewceyî gotinan nîne û hemû gelê Kurdistanê divê bi berxwedana Botanê re bibe yek.

Piştî axaftinan gel bi dirûşman derbasî taxa Yafesê bû.

(zt)