Şengar Biradost/JINHA

HELEPÇE - Jinên Helepçe berxwedana Bakurê Kurdistanê silavkirin û gotin: "Şirnex û Helepçe xûşkên hevin. Em hevparê êş û berxwedana Bakurê Kurdistanê ne. Helepçe kîmiyabaran kirin nihajî komkujiyan li Bakurê Kurdistanê pêktînin. Em wek welatî û jinên Helepçe hertim li kêleka berxwedan û têkoşîna Bakûrin."

Jinên bajêrê Helepçe berxwedana Bakurê Kurdistanê silav kirin û piştgiriya xwe nîşan dan. Jinan bang li rêxistin û jinên Başûrê Kurdistanê kirin ku li hemberî êrîşên ser Bakurê Kurdistanê bêdeng nemînin û piştevaniya berxwedana gel bikin. Cîgira Hevşaredarê Helepçe Kwêstan Ekrem Ferec êrîşên dewleta tirk li ser Bakurê Kurdistanê şermezar kir.

'Şirnex û Helepçe xûşkên hevin'

Kewêstan da zanîn ku ew bejna xwe li ber şehîdên berxwedana Bakur ditewînin û wiha domand: "Şirnex û Helepçe xûşkên hevin. Em hevparê êş û berxwedana Bakurê Kurdistanê ne. Helepçe kîmiyabaran kirin nihajî komkujiyan li Bakurê Kurdistanê pêktînin. Em wek welatî û jinên Helepçe hertim li kêleka berxwedan û têkoşîna Bakûrin. Gelê Bakurê Kurdistanê bi salane ji bo mafên xwe yên rewa têkoşîn dimeşînin û şehîdan didin. Dewleta tirk bi destên bixwîn û qirêj xwîna gelê kurd li kolanan dirjîne. Ev tiştek dervey hemî pîvan û exlaqên mirovahiyêye."

Kwêstan destnîşan kir ku herçiqas ew ji gelê Bakurê Kurdistanê dur jî bin lê tim hizir û hişê wan gel wane û got: "Em ji gelên azadîxwaz û cîhanê dixwazim ku pêşî li van komkujiyan bigrin. Herweha nabe aliyên siyasî bi kiriyarên xwe hevkariya dijminên kurdan bikin."

'Em bi her awayî li kêleka berxwedanê ne'

Jina bi navê Kîşwer Mewlud ku li Birdariya Şehîdên Helepçê kar diket jî got: "Bese kuştina jinan, bese zulim. Em dixwazin rêkekê bibînin ji bo ku em jî biçin tevlî berxwedana Bakur bibin. Berxwadanek dîrokî li Bakurê Kurdistanê tê jiyan kirin. Em bi her awayî li kêleka berxwedanêne. Em piştgîriya têkoşîna azadiyê dikin."

Kîşwer Mewlud bang li hemû jin û rêxistinên Başurê Kurdistanê kiri ku dakevin qadan û piştgîriya berxwedanê bikin. Kîşwer hevkariya aliyên kurdên Başurê Kurdistanê bi dewleta tirkan re şermezar kir û got: "Îro roja xîretê ye, roja yekîtiyê ye. Li Bakurê Kurdistanê dîroka berxwedanê tê nivîsîn hîna hinek aliyên siyasî li Başur bi berjewendiyên xwe yên malbatî û kesanî ve mijulin. Êdî bese û şerme ji van kirinên wan re. Bijî berxwedana Bakurê Kurdistanê."

(zt)