JINHA

AMED - Li navçeya Sûrê berxwedana gel a li dijî êrîşên dewletê di roja 24. de berdewam dike. Di encama êrîşên bi top û tangan gelek xanî şewitîn. Bi rojane li taxan av û elektrîk hatî birîn û hat hînbûn ku zarok nexweşin.

Li navçeya Sûrê ya Amedê berxwedana xwerêveberiyê ya gel li dijî êrîşên hêzên dewletê di roja 24. de ye. Li taxên Savaş, Hasirli û Kurşunluyê û derûdora Sûka Mastfiroşan pevçûn zêdetir bûye. Li gorî agahiyan herêmên navborî ji aliyê tankan ve bênavber tê bombebarankirin. Gelek tax hîna tê bombe baran kirin. Di encama bomberadanê de gelek mal hatin xirakirin. Di nava cihên ku hatine xirakirin de navendên baweriyan jî hene. mizgefta Haci Hamît a li nêzî Mînareya Çarling jî bû hedefa bombeyan, mînareya mizgeftê ji ber guleyan qulqulî bûye. Ligel êrîşên zêde jî gel li taxan jiyana xwe berdewam dike. Welatiyên ku zaxireyên wan hed diçe kêm dibe jî bi nanên sêlê yên dipijînin ve pêdiviyên xwe bi cih tînin.

Her wiha hat hînbûn ku li navçeyê bi rojane av û eletrîk hatî birîn û gelek zarok nexweş ketine.

(rc)