JINHA

ŞIRNEX - Li navçeya Cizîrê ku êrîşên dewletê berdewam dikin, jina qedexe nasnekirî ya bi navê Nahîde Çıkmaer ji hêla hêzên dewletê ve hate birîndarkirin.

Ligel hemû êrîşên dewletê li navçeya Cizîra Şirnaxê berxwedana gel berdewam dike. Gel jiyana xwe li gorî şert û mercên şer adapte dike û xwe di şêwazê kuçeyan de rêxistin dike. Li her kuçeyê çend mal tên cem hev û nan û xwarina xwe bi komînî çê dikin. Piştre jî xwarin li malan tê belavkirin.

Kes guh nade anonsên 'qedexeyan'

Li navçeyê ligel ku hêzên dewletê bênavber anonsên qedexeya kolanan dubara dikin jî gel êdî guhê xwe nade. Welatiyên derdikevin kuçeyan, diyarkirin ku ew şertên dewlet li ser wan ferz dike, qebûl nakin. Hemwelatiyan got ku dê derkevin kuçe û kolanan û heta dawiyê bexwedana xwe bidomînin. Zarokên di hedefa dewletê de ne jî wekî mezinan li kuçeyan dilîzin.

Di êrîşan de jinek birîndar bû

Hêzên dewletê yên nikarin berxwedana gel bişkînni, êrîşên xwe bi çekên giran didomînin. Di encama gulebarana li ser Taxa Cudî de, jina derketî kuçeyê ya bi navê Nahîde Çikmaer (40)ji dest û çena xwe birîndar bû. Nahîde bi alîkariya hemwelatiyan heta ser cadeyê hate birîn û bi ambulansa Şaredariya Cizîrê rakirin Nexweşxaneya Dewletê ya Cizîrê.

Guleya topê malek şewitand

Taxa Nûrê jî ku di bin êrîşan de ye, di seatên sibê de bi tanqan hate topbarankirin. Li malek guleya topê lê ket, şewat derket. Hemwelatî ji ber êrîşan nikarin mudahaleyî şewatê bikin. Ligel êrîşan jî berxwedana gel destû nade dewlet bikeve taxana.

(rc)