JINHA

AMED - Parlamenterên jin ên CHP'ê ku ji bo dorpêç û êrîşên ev 24 roj in li navçeya Sûrê berdewam dike lêkolîn bikin hatin Amedê dema ku xwestin bikevin Sûrê rastî astengiya polîsan hatin.

6 parlamenterên jin ên CHP'ê ku ji bo dorpêç û êrîşên ev 24 roj in li navçeya Sûrê berdewam dike lêkolîn bikin hatin Amedê dema ku xwestin bikevin Sûrê rastî astengiya polîsan hatin. Alîkara Serokê Giştî yê CHP'ê Selîn Sayek Boke, Elîf Dogan Turkmen, Melîke Basmaci, Nurhayat Kayisoglu, Gamze Îlgezdî û Zeynep Altiok ewil li avahiya CHP'ê bi keyayên Sûrê ve hatin cem hev.

Piştî hevdîtina ku ji çapemeniyê re girtî pêk hat heyeta CHP'ê derbasî Qada Şêx Saîd bû. Li vir xwestin derbasî navçeya Sûrê bibin lê ji aliyê polîsan ve hatin astengkirin.

Parlamenterên CHP'ê tenê bi esnafên derûdora qadê ve hevdîtin pêk anîn.

Piştre Boka daxuyaniyekî kurd da û wiha got: "Em ji bo gelê Sûrê yê ku ji bo mafê jiyanê ku mafê herî bingehîn e têdikoşin em hatin vir. Destur nedan em bikevin Sûrê. Me xwest em biçin cihê ku Tahîr Elçî hate qetilkirin. Em canên xwe winda dikin. Divê bi siyasetê çareserî bê gerandin. Ji bo aştiya civakî ev pêwîst e. Ji bo welatiyên me yên canê wan di bin xetereyê de ne winda nebin em li vir in."

Heyet piştî daxuyaniyê bi hin malbatên ku ji ber êrîşan mecbûr mane malên xwe biterikînin ve hevdîtin pêk bînin ji qadê veqetiyan.

(rc)