JINHA

WAN - Jinên Wanê ji bo balê bikşînin ser tundî û qetilkirina jinan, bi dirûşmeya "Kujera jinê dewlet" çalakî li dar xistin.

Kongereya Jinên Azad (KJA) a Wanê ji bo tundî û qetîlkirina jinê şermezar bikin bi dirûşmeya "Kujera jinê dewlet" çalakî li dar xistin. Bi dehan jin li ber Parka Musa Anterê civiyan. Jinan di çalakiyê de pankarta li ser "Kujera jinan dewlet e" û dowîzên wek "Jin jiyan azadî" , "Em ê bi têkoşînê bi ser bikevin " Bi rihên Ekîn Wan û Sakîneyan dê têbikoşîn" nîvisî hildan.

Di dorpêça polîsan de stranên şoreşgerî

Jinan di çalakiya xwe de bê navber dirûşmeyên wek "Bijî Serok Apo", "Jin jiyan azad" û "Berxwedan jiyan e" berz kirin û di dorpêşça sedan polîsan de ligel stranên şoreşgerî govend gerandin. Polîsên bi amedekarî hatin cihê çalakiyê bi hinceta "Ewlehiyê" li çenteyên jinan geriya û jinan bertek nîşanê nêzîkatiya polîsan dan.

Hevserok rastî hakaretê hat

Her wiha dema ku Hevseroka HDP'ê ya Wanê Derya Heyva hat cihê çalakiyê jî rastî heqereta polîsên jin hat û di nav bera jinên çalekvan û polîsan de gengaşî derket. Derya li ser gotina jinên polîs a ku jê re gotin "Hebe heywan" bertek nîşan da û got dewlet jinê ber dide jinê û sedema vê nêzîkatiya jinên polîsê metîngeriyê ye.

'Jin bi destê dewletê tên qetilkirin'

Pişt re jinan di dorpêça polîsan de daxuyanî dan çapemeniyê. Aktivîstê KJA'ya Wanê Dîlek Guler li ser navê hemû jinan daxuyanî xwend û diyar kir ku îro jin ji bo tundî û ketlîamên jinan şermezar bikin li vir kom bûne. Dîlek anî ziman ku jin her tim di nav civakê de rastî binpêkirina mafan tên û heya niha tu mafê jiyanê nedane jinan.

'Qetilkirina zarok ji bêdewletiye'

Dîlek êrîş û komkujiyên li navçeyên Cizir, Sur û Sîlopiya yê jî bibir xwist û ev tişt got: " Li Sîlopiyayê jina ducanî Zeynep Yilmaz bi guleya polîsan hate qetilkirin. Zarok jî di zikê dayîka xwede hat kuştin. Zarokên ku hêj nehatibe dînê û hatibe qetilkirin ev tê wê wateyê ku dewlet nemayê û hikûmet rojên xwe yên dawî dijî."

Dîlek di dawiyê de got ku eger sibê jin azad bibin ev bi saya têkoşîna jinên ku li qadan e û dê jin bi têkoşîna xwe azadiya xwe bidest bixin. Piştî daxuyaniyê jin heya avahiya rêxistina DBP'ê ya Wenê bi dirûşme û bi lêdana pîpikan meşiyan

(mc-ho/rc)