Zeynep Durgut- Hulya Okalîn/ JINHA

COLEMÊRG - Jinên Colemergê pertêk nîşanê êrîşên ku li Kurdistanê tên kirin û piştgiriyê dan berxwedana gelê kurd ên li hemberî hemû êrîşan li ber xwe didin. Jinan da zanîn ku dê heya dawiyê ji bo aştiyê li qadan bin û dê li ber xwe bibin.

Di maha Îlona 2015'an û şun de li gelek navend û navçeyên bakûrê Kurdistanê gelê kurd li hemberî bêdemokrasiya dewleta tirk alternatîfa rêveberiya xweser da dest pê kirin. Di serî de navçeya Cizîr, Sîlopî, Sur, Nîsêbîn û li gelek cih an rêveberiya xweser hat îlan kirin û taxên bi xendekan diparêzin. Dewleta tirk ji bo berxwedana gel bişkîne bi hemû hêza xwe êrîş bir ser gel, bi qedexe kirina derketina kolanan re di nav de jin û zarok jî heyî bi sedan welatî ji aliyê hêza dewletê ve hatin qetilkirin. Êrîş û komkujiyên tên kirin ji aliyê welatiyan ve roj bi roj tên şermezarkirin û rastî berteka gele tê. Jinên Colemergê jî bertekên xwe nişandan û gotin ku dewleta tirk ji dîrokê heya niha her tim êrîşê gelê kurd dike û bi komkujiyan dixweze gel dîl bigire. Lê gelê kurd li hemberî hemû êrîş û komkujiyan têk neçûne û naçin.

'Dewlet êrîşê demokrasî û aştiyê dike'

Endama Meclîsa Dayikên Aştiyê Meryem Ozcan bertek nîşanê êrîşan da û got ku em dayîk bi salan e ku şahîdê van komkujiyan in û dewlet bi sedsalane li ser me komkujiyan dide meşandin. Meryen anî ziman ku daxwaza gelê kurd ew e ku jiyanek azad û demokrasiye, lê dewlet ji demokrasiyê ditirse lewra êrîşê demokrasî û aştiyê dike.

'Êdî em wek jinên kurd dê heya dawiyê di nav berxwedanê de bin'

Jina bi navê Nîharî Ertekîn jî anî ziman ku ew wekî jinên kurd dê heya dawî di nav berxwedanê de bin û êdî serî li hemberî zilma dewletê danaynin û wiha axivî: "Em dayîk in, bi salan e ku dewlet zilmê li ser me kurdan dide meşandin. Zarokên me li hemberî zilmê serî hildidan lê em dayik destûr nedina ku zarokên me têbikoşin. Lê niha ne wiha ye. Êdî em dayik jî li hemberî zilmê bêdeng namînin û bi zarokên xwe re mil bi mil têbikoşîn. Dema ku Erdogan bi top û tangan êrîş me û zarokên me bike dê em jî bi canên xwe bikin mertal û li hember top û tangan li ber xwe bidin."

'Dayik bi zarokên xwe re li hemberî zilmê têdikoşin'

Jina bi navê Zubeyde Bor jî li ser rol û misyona jinê ya di rêveberiya xweser de derbîrî û ev tişt got: "Jin berxwedêr e, dema ku jin dest avêt karek teqez dê biser bikeve. Ji bo vê jî di rêveberiya xweser de rola jinê gelek giring e. Li aliyek din jî jin dayik e û bi dil şewat e. Tu dayîk dile wê ne qayîl e ku zarokên wê bên kuştin. Îro dayik hemû bi zarokên xwe re rabûn ser piyan û li hemberî zilmê têdîkoşîn. Ev jî tê vê wateyê ku êdî jin li qadan in û ji bo aştiyê şer dikin."

(zyd-ho/rc)