JINHA

ŞIRNEX - Jinên Botanê diyar kirin ku xendekên ku di qadên xwerêvebirinê de hatine avakirin rewaye û gotin ew ê bi berxwedana xwe dawî li zîhniyeta dewletê bînin. Jinan gotin, "Em ji tu qadî venekşên û destûrê nedin ku ciwanên me qetil bikin."

Jinên Şirnexê derbarê êrîşê polîs û leşkeran yê di dema qedexeyan de nirxandin û wiha gotin, "Xendekên ku li beramberî êrîşên giran hatine vekirin rewaye. Jinan diyar kirin ku jin pêşenga jiyana xwerêveberinê ye û gotin bi dirûşmeya "Jin jiyane" ew tevahî qadên jiyanê înşa bikin.

Xatûn Akpinar destnîşan kir ku dewlet heya roja îro ti pirsgirêkê jin çareser nekiriye û wiha got, "Li Botanê dawî li zîhniyeta dewletê hat. Li Kobanê jin çawan pêşengiya berxwedanê kirin, em ê jî li qadên xwe pêşengiyê bikin û jiyana xwe avabikin." Xatûn da zanîn ku bi avakirina jiyanê re ew ê zagonên xwe ên jiyanê jî diyar bikin û wiha domand, "Ti car em ji dewletê ne tirsiyan û ji vir û pêve jî em ti saziyên dewletê nasnakin. Em ê qadên perwerdê avabikin û bi xwe rêxistin kirinê re em ê qadên jiyanê înşa bikin. Hikûmeta AKP'ê tenê mirovan qetil nake, di heman demê de xwezayê me jî digre hedefa xwe û dixwaze qadê jiyanê jî tune bike. Em êdî nikarin biçin zozanên xwe. Cihên ku sewalên me bên çêrandin nemaye. Li hember êrîş û komkujî em ê wek jin bi xwe jiyana xwe înşa bikin."

'Em ê ji qadan venekşên û destûrê nedin ku ciwanên me qetil bikin'

Fatma Kartal jî da zanîn ku li hember êrîşan ew ê ji bo parastinê li ber xendekan bin û piştgirî bidin ciwanan û wiha got, "Em ê bi tu aweyî ji qadan venekşên û destûrê nedin ku ciwanên me bên qetil kirin. Bi biryarê xwerêveberinê em ê qadên xwe fireh bikin û li berxwe bidin. Fatma bilêvkir ku êrîşên dewletê ên li ser perestgeh û nirxê civakê di tu pirtûkên pîroz de cih nagre û wiha got, "Êrîşê malan dikin û Kuranê kerîm dişewitînin. Li hember zîhniyetek wiha bi berxwedana xwe em ê têk bibin."

(rc)