JINHA

KOBANÊ - Hat zanîn ku dema hêzên QSD'ê derbazî aliyê dinê yê Feradê bûn ketin nava bajaroka Teşrînê, çeteyên DAIŞ'ê ji tirsan sivîl ji bo xwe weke mertal bikaranîn û dest bi valakirina Minbicê jî kirin.

Hêzên Sûriyeya Demokratîk di çarçoveya pêngava rizgarkirinê de, piştî ku Bendawa Teşrînê bidest xist û Ava Feradê derbas kir niha jî gihîşt ber bajaroka Teşrînê. Hate ragihandin ku di navbera hêzên QSD'ê û çeteyên DAIŞ'ê de di lojmanên ketina Teşrînê de pevçûnên tund diqewimin. Her wiha, wesayîteke bombebarkirî ya çeteyên DAIŞ'ê ku ji aliyê Minbîcê dihat, beriya ku bigihe hedefa xwe ji aliyê şervanên QSD'ê ve hate îmhakirin.

Hate zanîn ku çeteyên DAIŞ'ê yên nikarin xwe li ber QSD'ê bigirin, sivîlan ji bo xwe dikin mertal û ji ber vê yekê jî şervanên QSD'ê bi kontrol pêv ve diçe.

Her wiha hate ragihandin ku, çeteyên DAIŞ'ê yên ji pêşketina QSD'ê ketiye nav tirsê, ji Minbîcê ber bi Bab'ê ve direvin.

(zt)