JINHA

ŞIRNEX - Dengbêjê navdar ê herêma Botanê Salihê Şirnexî ji ber qedexe û êrîşên li ser Silopiyê jiyana xwe ji dest da.

Li navçeya Silopî ya Şirnexê, qedexe, dorpêç û terora dewletê ku ev 14 roj in bênavber berdewam dike, bû sedema nirxekî mezin a çand-hunera Kurdî jî wenda bibe. Yek ji dengbêjên herî navdar ê herêma Botanê, dengbêj Salihê Şirnexî (Salih Erener) jî jiyana xwe ji dest da. Hate zanîn ku Salih, ji ber topbarana giran li mala xwe ya Taxa Karşiyakayê rewşa wî xirab bûye lê ji ber êrîşan ambûlans neçûye taxê û li mala xwe jiyana xwe ji dest daye. Cenazeyê Salihê Şirnexî li malê tê rawestandin.

Salihê Şirnexî, li herêma Botan weke "Dengbêjê dilan" dihat nasîn. Bi taybet, strana wî ya li ser Bişeng Anik ê ku di 1992'an de li Şirnexê di binçavan de bi îşkenceyê hate qetilkirin, ji alî gel ve pir dihat nasîn û hezkirin. Salihê Şirnexî li dû xwe gelek berhemên giranbuha hiştin.

(zt)