JINHA

GIRKÊ LEGÊ- Yekemîn Konferansa Edaleta Civakî ya Kantona Cizîrê bi dirûşmeya, "Bi hêza wijdana civakî, pêkanîna edaletê armanca me ye" îro dest pê kir.

1. Konferansa Edaleta Civakî ya Kantona Cizîrê bi dirûşemeya "Bi Hêza Wîjdana Civakî, Pêkanîna Edaletê Armanca Me ye' li salona Çand û Hunerê ya Aram Tîgran a bajarê Girkê Legê dest pê kir. Di konfransê de 250 delege beşdar bûne. Di salona konferansê de afîşên wek "Biryara Civak Bi Edalet e", "Têkoşîan di riya jina azad de misogeriya ewlehiya civakê ye", "Gihiştina azadiyê tê wateya gihiştina rastiyê ye" û "Edaleta civakî bingeha pêşxistina Federaliya Demokratîk e" bi zimanê erebî û kurdî hatin daliqandin.

Di konfransê de, Hevserokê Meclîsa Damezrêner a Sîstema Federaliya Demokratîk a Rojava -Bakûrê Sûriyê Mensûr Selûm, Serokê Meclîsa Rêveber a Kantona Cizîrê Ebdulkerîm Saroxan û cîgirê wî Hisên Ezam, Endama Desteya Serokatî ya MSD'ê Rojîn Remo, Endamê Desteya Serokatî ya Meclîsa Sûriya Demokratîk (MSD) Hikmet Hebîb, Hevserokê Meclîsa Zagonsaz Hekem Xelo, Cîgirê Hevserokatiya Kantona Cizîrê Avram Îshaq, Hevserokê Desteya Parastinê Rêzan Gulo, Hevseroka Desteya Maliyê Remziye Mihemed, Endama Rêveberiya TEV-DEM'ê Henîfe Hisên, Fermandara YPJ'ê Sêal Adar û Fermandarê YPG'ê Serxwebûn Besta, jî amade ne. Di konransê de heyetên ji Kantona Kobanê, nûnerên Yekîtiya Parêzeran, Saziya Malbatên Şehîdan, Yekîtiya Ciwanên Rojava (YCR) û Weqfa jina azad jî, beşdar bûne.

Piştî ku deqeyek rêz hat girtin, dîwana konfransê hat hilbijartin. Dîwan ji 5 kesan pêk tê. Piştî hilbijartina dîwanê konfransê destpê kir.

(rd/en/rc)