هێرشی فڕۆکە جەنگیەکان لە سەر حەسەکە بەردەوامن
09:30
ژنها
حەسەکە – هێرشەکانی سەر حەسەکە بەردەوامن و شەوی ڕابردووش فڕۆکە جەنگیەکانه ڕژێمی سوریا بۆردومانی چەندین ناوچەی ناوەندی شاریان کرد.
شەوی ڕابردوو جارێکیتر فڕۆکە جەنگیەکانی ڕژێمی سوریا بۆردومانی گەڕەکی نەشوا، بازاڕ ی شار و دەوروبەری گەڕەکی خوێرانی کرد.
شه‌ڕ و پێکدادانه‌کانى شارى حه‌سه‌که، که له ١٦ى ئه‌م مانگه‌وه به‌هۆى هێرش و ده‌ستدرێژى سه‌ربازانى رژێمى سوریاوه ده‌ستیپێکرد، شه‌ڕڤانان گورزیان له هێزه‌کانى رژێم داوه و جگه له چه‌ندین کوژراون، چه‌ندین سه‌ربازیشیان به دیل گرتووه.
به گوێره‌ى ئه‌و زانیاریانه‌ى له شه‌ڕڤانانه‌وه به‌رده‌ستکه‌وتوون، له شه‌ڕه‌کاندا ٣٢ سه‌ربازى رژێمى سوریا کوژراون و ٣٣ی دیکه‌ش به‌دیل گیراون.
هه‌روه‌ها شه‌ڕڤانان پێشڕه‌وییان کردووه و چه‌ندین بنکه و ناوچه‌یان کۆنترۆڵ کردووه، که پێشتر له‌ژێر ده‌سه‌ڵاتى هێزه‌کانى رژێمدا بوون.
(ش ب)