خەباتی هاوبەشی ژنانی کۆبانێ بەردەوامە

14:58




كۆبانێ - به‌ ئامانجی پێشخستنی خەباتی هاوبەش و هەرەوەزی، کۆنگرەی ستار كۆمەڵه‌ی ژنانی له‌ كانتۆنی كۆبانێ دامه‌زراند، یه‌كه‌م هه‌نگاوی كۆمه‌ڵه‌كەش له‌ گوندی ئه‌ل شیووخ دەستی پێکرد.

لەناویاندا 12 ئه‌ندامی كۆنگری ستار و ژمارەیەکی زۆری ژنان بەشداریان کردوە لە کۆمەڵەکەدا و ئێستاش ده‌ستیان به‌ كار و خه‌باتی کشتوکاڵی کردوە.

سوعاد شێخ زەمیر، به‌ڕێوبه‌ری كۆنگری ستار له هێڵی‌ ڕۆژئاوای كانتۆنی كوبانێ لەو باریەوە ده‌ستنیشانی كرد: "به‌ ئامانجی پێشخستنی ئابوری سه‌ربه‌خۆ به‌شداری كارو خه‌باتمان كردوه‌." جەختیشی کردەوە: "بەروبومەکانمان بۆخۆمان دەڕووێنین له‌ كاتی كۆكردنه‌وه‌ی دا به‌ شێوه‌یەكی یه‌كسان له‌ ناو خۆمان دابه‌شی ده‌كه‌ین، هەندێک لە دەغڵ و دانمان ڕواندوە وەک جۆ، لە کاتی هاتنی وەرزی دانەوێڵەکانیتیرشدا ئەوانی تر دەڕووێنین وەک؛ نیسكه و نۆك. داوا كارین له‌‌ هه‌موو ژنان بێنه‌ ناو پڕۆژه كامانه‌وه‌، چونكه كشتوكاڵ به‌ ده‌ستی ژن ئافرێنداوه‌ ده‌بێت خاوه‌نداری لێ بكه‌ین."

"له‌ سایه‌ی فه‌لسەفه‌و ڕامانی ڕێبه‌ر ئاپۆ خاوه‌نداری له‌ كه‌لتور و هونه‌ری خۆمان ده‌كه‌ین"

سوعاد ئاماژەی بەوەشدا کە ئەوان لە سایەی هزری ئازادیدا ئەمڕۆ لە بەیەکەوە کار دەکەن و پشت بە خۆیان دەبەستن. ناوبراو وتیشی: "ئێمه‌ی ژنان ئه‌مڕۆ له‌ سایه‌ی فه‌لسەفەو ڕامانی ڕێبه‌ر ئاپۆ خاوه‌نداری له به‌رهه‌می كوشتوكاڵی خۆمان ده‌كه‌ین، هەر لێرەشەوە بانگه‌وازی له‌ هه‌موو ژنان ده‌كه‌م پەرە بە کشتوکاڵ و بەروبوومە خۆماڵیەکان بدەن و بەڕێگەی دامەزراندنی کۆمۆنی ئابوری ئەو خەباتە پێشبخەین.

لە کۆتایی قسەکانیدا سوعاد سەرنجی ڕاکێشایە سەر هێرش و پەلامارەکانی دەوڵەتی تورکیا بۆ سەر دەسکەوتەکانی ڕۆژئاوای کوردستان کرد و وێڕای ئیدانە کردنیان، بەردەوامی خۆی لە تێکۆشان دەربڕی.

"به‌ ڕۆحی ژنان كاری كۆشتوكاڵی ده‌كه‌ین"

لای خۆشیەوە گوڵه‌ محەمەد ژنێکیتری بەشداربووی ئەو کۆمەڵەیەیە ده‌ستنیشانی كرد‌ : "ژنان به‌یه‌كه‌وه‌ كار ده‌كه‌ن و به‌رهه‌مەكانیان كۆده‌كه‌نه‌وه‌ به‌یه‌كه‌وه‌ دابه‌شی ده‌كه‌ین به‌ ڕووحی ژن كاری كوشتوكاڵی ده‌كه‌ین و ئابوری خۆمان به‌ ده‌ست دێنین، ئێمه‌ خۆشحاڵین بەو هەنگاوە گرنگە. هەرچەند هێرشی دەوڵەتی تورکیاو چەتەکانیش بەردەوامە، بەڵام ئێمەش لە خەباتی خۆمان بەردەوام دەبین و جارێکیتر ده‌وڵه‌تی توركیا شه‌رمه‌زار ده‌كه‌ین به‌و كرده‌وه‌ نامرۆڤانه‌ی ئه‌ردۆغان، بە کوشتن و گرتنی کوردان ناتوانن لەناومان ببەن، چۆن ڕۆژئاوامان ڕزگار كرد، به‌مشێوه‌ هه‌موو سوریا ڕزگار ده‌كه‌ین."