ژنها

ناوەندەی هەواڵ – لە شاری دیواندەرەی ڕۆژهەڵاتی کوردستان کچێکی ١٥ ساڵان بە چەکی کلاشینکۆف کوژرا.


بە پێی هەواڵدەریی ئیرنا، دوێنێ سەر لە بەیانی کچێکی تەمەن ١٥ ساڵان، لە گوندی کۆسە عەنبەر لەلایەن پیاوێکی ٣٨ ساڵان دراوەتە بەر دەستڕێژی گولـلە و دەست بە جێ گیانی لە دەستداوە.

تا ئێستا هیچ زانیارییەک لە بارەی هۆکاری کوژرانی ئەو کچە ڕانەگەیەندراو هەروەها ناسنامەی ئەو کچە تا ئێستا ڕانەگەیاندراوە.

دوای تێپەڕبوونی چەندین کاتژمێر و هەوڵێکی زۆر بۆدۆزینەوەی بکوژەکە، تەرمەکەی پاش خۆکوشتن لەکێوەکانی دەورووبەری گوندەکە دۆزرایەوە وگواستویانەتەوە بۆ دیواندەرە.

جێگەی ئاماژەیە لە ڕۆژهەڵاتی کوردستان ڕۆژ بە ڕۆژ تاوانەکانی کوشتنی ژنان ڕوو لە زیادبوونن، بە تایبەتیش لە سەرەتای ساڵی ٢٠١٦ وە ڕێژەی خۆکوشتن و کوشتنی ژنان بە ڕێژەیەکی بەرچاو زیادی کردوە.

(ش ب)