لە شارۆچکەی تادەف کۆمەڵکوژی
11:31
ئەیلول
7
/ 2016
ژنها
ناوەندی هەواڵ - فڕۆکە جەنگیەکانی سوپای تورکیا هێرشیان کردە سەر شارۆچکەی تادەفی سەر بە شاری باب و کۆمەڵکوژیان ئەنجامدا.
ئەمڕۆ بەیانی، فڕۆکە جەنگیەکانی سوپای تورکیا شارۆچکەی تادەفی سەر بە شاری باب-یان لە باکوری سوریا بۆردومان کرد.
لە ئەنجامی بۆردومانەکەدا زیاتر لە ١٠ کەس کۆمەڵکوژبوون و٥٠ کەسی دیکەش برینداربوون.
لەناو گیانبەختکراوان و بریندارانی ئەو کۆمەڵکوژیەی سوپای داگیرکەری تورکیا ژمارەیەکی زۆر ژنان و منداڵان هەن، هەروەها دەوترێت زیانێکی ماددی زۆر بە ناوچەکە گەیشتوە.
تورکیا ماوەیەکە جەرابلوس و چەند ناوچەی دیکەی لە باکوری سوریا داگیرکردووە، ژمارەیەکی زۆری کۆمەڵکوژی ئەنجامداوە.
(ش ب)