بکوژی فەلەک لەلایەن گەلەوە سزادرا
09:48
تشرینی یەکەم
6
/ 2016
ژنها
عامودە – دادگای گەل لە شارۆچکەی عامودەی ڕۆژئاوای کوردستان بکوژی ژنێکی دادگایی کرد و بۆ هەتا هەتایە سزای دا.
لە شەوی ٣٠ی مانگی تەمموزدا ئالان محەمەد لە شەوی یەکەمی هاوسەرگیری لەگەڵ فەلەک، هاوژینەکەی بە چەقۆ دەکوژێت، دوای ئەوەی هێزەکانی ئاسایش لە ٣ ی مانگی ئابدا بکوژیان دەستگیر کرد، لێکۆڵینەوە لەگەڵی دەست پێکرد، پاشان لەلایەن تاوانبار ڕووبەڕووی دادگای گەل کرایەوە.
دانیشتنی دادگایی کردنی دوێنێ لە هۆڵی ئەنجومەنی دامەزرێنەر لە شاری عامودە بە بەشداری ٦٧ نوێنەرانی دامودەزگاکانی کۆمەڵی مەدەنی، کۆمیتەکانی گەل، کۆمینەکانی شار و بە بەشداری ٤٠ ژن بەرێوەچوو.
لە ئەنجامی دادگای کردندا دادگای گەل بریاری سزای زیندانی هەتا هەتاییە بۆ ئالان بڕیەوە، هاوکات بڕیار درا بنەماڵەکەشی لەو شارە دووربخرێتەوە.
(ش ب)