ژنها

بەدلیس – بە هۆی ئەوەی لە تەمەنی منداڵی هاوسەرگیری پێکرا، لە کاتی منداڵ بووندا گیانی لە دەستدا.

دەریا کیژۆڵەیەکی ١٤ ساڵانی گوندی ئۆزەک، سەربە شارۆچکەی ماتکیەی بەدلیسە لە باکوری کوردستان، لە تەمەنی ١٤ ساڵان هاوسەرگیری پێدەکرێت، بەڵام بە هۆی پێنەگەیشتنی تەمەنی، لەکاتی منداڵ بوون و لە تەمەنی ١٥ ساڵاندا گیانی لە دەستدا.

حەفتەیەک لەمەوبەر منداڵەکەی دەبێت، بەڵام ئازاری زۆری دەبێت و لەلایەن کەسوکاریەوە دەگەیەندرێتە نەخۆشخانە، دکتۆرەکانیش ڕادەگەیەنن کە خوێن ڕژاوەتە سەر مێشکی، بەو هۆیەشەوە لەگەڵ هەموو هەوڵەکانیش گیانی لە دەستدا.

ئەوەش لە کاتێکدایە کە تورکیا بە فەرمی ١١ی ئۆکتۆبەری وەک ڕۆژی کچان قبوڵ کردوە، بەڵام دیاریدەی هاوسەرگیری منداڵانی کچ لەو وڵاتە زۆر بەرچاوە و نەتوانراوە کچان لە توندوتیژی بپارێزرێن.

(ش ب)