"زەکیە هەرساڵێک لەس ئامەد دەبێتەوە نەورۆز"
ژنها
 
ئامەد- کات؛ ٢١-٣-١٩٩٠، شوێن؛ سوری ئامەد...زەکیە ئاڵکان وتی: "دەبێت نەورۆز بەکردنەوەی ئاگر پیرۆز بکرێت.
 
نەورۆز، دێرینترین و رەسەنترین و پیرۆزترین و خۆشترین ڕۆژی گەلی کوردمانە، جەژنی نەتەوەییمانە، نەو‌رۆز، جەژنی یەکەمین رۆژی سەری ساڵی کوری و ھێما و سومبولی خەبات و کۆڵندان و راپەڕینمانە، جەژنی نەورۆز پەیامی ئاشتی و پێکەوەژیانە بۆ سەرجەم گەلانی ڕۆژهەڵاتی ناوەڕاست. بەتایبەتیش ئەو ڕۆژە بۆ ژنانی کورد وەک میراتێک ماوەتەوە، ڕۆژی بەبیرهاتنەوەی گەشکردنی ئاگری تێکۆشانە. زۆرن لەو ژنانەی لە مڕۆژەدا بە گەش کردنی بڵێسەی ئاگر بە گیانی خۆیان زوڵم و ستەمیان سوتاندووە، زەکیە ئالکان-یش یەکێک لەو ژنانەیە کە لەبەرامبەر هەموو زوڵم و زۆرداریەک، بەپێداگریەوە ئاگری نەورۆز دەکاتەوە.
 
"ئەگەر ئازادی ئاسان بووایە زەکیە خۆی نەدەسوتاند" ئەمە یەکێکە لەو وتە بەنرخانەی کە بە قەدەر ناوی زەکیە ئاڵکان قوڵە کە خۆی کرد بە نەورۆز. زەکیە ئالکان لە ساڵی ١٩٧٠ چاوی بەدونیا هەڵێنا، کاتێک لە زانکۆی دیجلەی لە شاری ئامەدی باکوری کوردستان لە کۆلێژی پزیشکی دەخوێنێت، تێکۆشانی نەتەوایەتی سەرنجی ڕادەکێشێت و ئاشنای تێکۆشان دەبێت، ئەوکات بەپێشەنگی ژنان ڕاپەڕینێکی گەورە کوردستانی گرتبوەوە، لە سەروبەندی سەرهەڵذانەکاندا بوو کاتێک لە نوسەیبین ١٣ گەریلای پەکەکە بە خاک سپێردران، هەرەوها قۆناغێکی ڕاپەڕین کە هیوای خستبۆ دڵی کوردان دەستی سەریهەڵدابوو، هەموو ئەوانە لە دڵی زەکیە ئالکاندا ببون بە زامێک وبەڕۆژان خەو بەچاوانی نەدەکەوێت، هەرلەو کاتەشدا کتێبی"سێ دەنکە شخارتەکەی مەزڵوم دۆغان لە نەورۆز"دا دەخوێنێتەوە، کە بۆ بەرخۆدانی زیندانیانی ئامەد نوسرابوو و باس لە چالاکیەکەی مەزڵوم دۆغان دەکات کە چۆن بە ٣ دەنکە شخارتە ئاگری نەورۆز دادگیرسێنێت.
 
دواین وتە: نەورۆز بەئاگر پیرۆز دەکرێت
 
ساڵێک بەر لەوەی چالاکیەکەی ئەنجام بدات، ڕۆژی نەورۆز دەبێت و لە پارکی "ترافیک"ی ناوەندی شاری ئامەد لەگەڵ هاوڕێکانی دانیشتوە، لەناکاو هەندێک پارە لەگیرفانی دەردەخات ودەیسوتێنێت، هاوڕێکانی بەسەرسوڕمانەوە لێیدەپرسن ئەمە چی بوو؟ ئەوە چی دەکیت؟ زەکیە ئالکان لە وەڵامدا دەڵێت: "دەبێ نەورۆز بە ئاگر پیرۆز بکرێت."
 
زەکیە ئاڵکان بۆ ئەوەی لە هەموو ڕوێکێەوە، ببێتە وەڵامێکی شیاو بۆ ژنانی پێشەنگی سەرهەڵدانەکان و گەلە ستەم دیدەکەی، بۆ ئەوەی  کۆتایی بە زوڵم و فشارەکانی دوژمانان بێنێت، لە رۆژی نەورۆزی ( ٢١\٣\١٩٩٠) دا، لە سەر سوری ئامەد بە سوتاندنی باڵای جوانی و جەستەی پاکی ئاگری نەورۆزی هەڵگیرساند، زەکیە ئاڵکان بەم چالاکیەی پەیامی ئەوەیدا کە ھیچ ھێزێکیش ناتوانێت کورد و نەورۆز لە یەکتری دابڕێنێت، ھەموو ئەوھەوڵانەش کە تا ئێستا داگیرکەرانی کوردستان داویانە، بۆ کوژاندنەوەی ئاگری بەرخۆدانی و کاڵ کردنەوەی بایەخی نەورۆ، سەریان نەگرتووە و پووچەڵ بوونەتەوە، هەواڵی ئەو چالاکیەی زەکیە ئاڵکان لەماوەیەکی زۆر کورتدا گەیشتە گوێی هەر تاکێک و ئیتر هەرکەس بە ناوی زەکیە ژنە قارەمانی گەلی کورد و ئەو ژنەی بە جەستەی خۆی ئاگری نەرورۆزی پیرۆزکرد، ناسرا و بەبیرهێنرایەوە.
 
"زەکیە پیشانداین کە ئازادی بە ئاسانی بەدەست ناخرێت"
 
عەبدوڵا ئۆجالان ڕێبەری پەکەکە، لە بارەی چالاکی زەکیە ئاڵکان هەڵسەنگاندێکی تێرو تەسەل دەکات، لە سەرەتاش ئاماژە بەوە دەکات کە چالاکیەکەی زەکیە ئاڵکان، کاری زۆری کردۆتە سەر ژنانی ناو پەکەکە و بۆتە هۆکارێک بۆ هەنگاو نانی ژنان بۆ بەدامەزروە بوون و قۆناغی ڕێکخستنێکی نوێ. "زەکیە ئاڵکان بە ئەنجامدانی ئەو چالاکیەی پەیامێکی بەخشی بۆ تێگەیشتن لە واتای ئازادی و نەورۆز، زەکیە ئاڵکان بوو سمبۆلی ئازادی هێندە ئاسان نیە. زەکیە ئاڵکان تەواوی پرۆسەی ساڵی نەوەدەکانی  هەڵسەنگاندووە، بەقوڵی درکی بە واقیعی ئەو سەردەمە کردوە، چالاکی زەکیە ئاڵکان گوزارشت لە پرۆسەیەکی نوێی خەباتی ژنان دەکات، نمونەیەکی بێ وێنەیە لە بوێری و فیداکاری، کەواتە نابێت بە چاوێکی کەم لە هەنگاوەکانی ژنان بەرەو کرانەوەیەکی نوێی ڕزگاربوون بڕوانرێت."
 
"چۆن مەزڵوم دۆغان بوو بە سمبۆلی بەرخۆدانی لە زیندانی ئامەد، چۆن لەبەرامبەر ئەو خیانەتەی دەسەپێنرا، بە ئاگری جەستەی وەڵامی دوژمنانی گەلی کوردی دایەوە، زەکیە ئاڵکان-یش بەو چالاکیە پڕ لەواتایەی وەڵامێکی هەرە بەهێزی دایە ئەو سیاسەتەی کە بڕوای وابوو بە کوشتن، ترس وتۆقاندن کۆتایی بەگەلی کورد دێنێت."
(ش ب)