دوای عادیلە خان دووەم ژن دەبێتە قایمقامی هەڵەبجە
10:06
ژنها
هەڵەبجە- له‌دوای عادیله خانم، دووه‌م ژنه که ده‌بێته قایمقامی ئه‌و شاره، نوخشه ناسیح، به‌ڕێوه‌به‌رى پێشوى شاره‌دێی بیاره‌یەیە کە بۆ ئەو پۆسته کاندیدکراوه و فه‌رمانى وه‌زارتی ناوەخۆشی بۆده‌رچووه، بریاریشه له دواى پشوه‌کان و یادى کیمیاباران به‌فه‌رمى ده‌ستبه‌کار بێت.
نوخشه ناسیح، به‌ڕێوه‌به‌ری پێشووی شاره‌دێی بیاره و ئه‌ندامی ئه‌نجومه‌نی ناوه‌ندی یه‌کێتیی نیشتمانی کوردستانه، ئێستا له‌سه‌ر پشکی ئه‌و حزبه وه‌ک قائیمقامی هه‌ڵه‌بجه ده‌ستبه‌کارده‌بێت. ده‌ستبه‌کاربوونی ئه‌و ژنه وه‌ک قایمقامی هه‌ڵه‌بجه، له‌دوای عادیله خانم، دووه‌م ژنه که ده‌بێته قایمقامی ئه‌و شاره.
نوخشه ناسیح، به‌ڕێوه‌به‌رى پێشوى شاره‌دێی بیارە، ڕایگەیاندووە کە ڕۆژی پێنج شه‌ممه‌ى ڕابردوو به‌فه‌رمى فه‌رمانى ده‌ستبه‌کاربوونم له‌لایه‌ن وه‌زاره‌تى ناوخۆوه بۆده‌رچووه، هەروەها ئەوەشی خستۆتە ڕوو به‌هۆى پشوى فه‌رمى و سه‌رقاڵبوونى پارێزگارى هه‌ڵه‌بجه بۆ ئاماده‌کاریه‌کانى ساڵیادى کیمیابارانى هه‌ڵه‌بجه ده‌ستبه‌کاربوونم ده‌که‌وێته دواى ئه‌و پشوو یادانه‌وه.
(ش ب)