ژنها

روحا- ئەمڕۆ بەیانی لە شاری روحا ژنێکی دووگیان بە کوژراوی دۆزرایەوە.

سەرلەبەیانی ئەمڕۆ پێنجەشەمە لە گوندی شیرینکایا سەر بەناوچەی سیوەرەک-ی شاری روحا-ی باکوری کوردستان تەرمی ژنێک بە کوژراوی دۆزرایەوە. زانرا کە ئەو ژنە لە ڕۆژی هەشت-ی مارسەوە بێ سەروشوێنە و ئەمڕۆش لە باخچەی فستەق بە کوژراوی دۆزراوەتەوە، ئەو ژنە کە ناوی فاتمە کاراجغە دووگیان بووە و سکی هەشت مانگە بووە.

دوای ئەوەی بێسەروشوێن دەبێت کەسوکاری پۆلیس ئاگادار دەکەنەوە و دوای دوازدە ڕۆژ لە بێ سەروشوێن بوون، تەرمەکەی لە دووری ١٧ کیلۆمەتری ناوچەی سیوەرەک دۆزرایەوە، هەروەها ڕاگەیاندرا کە فاتمە بە ئەشکەنجەکردن کورژراوە.

فاتمە کاراجغ دوو ساڵ بەر لە ئێستا لەگەڵ پیاوێک بەناوی حوسێن کاراجغ کە باوکی شەش منداڵ بوو ژیانی هاوسەری پێکهێنابوو.

(ش ب)