ژنها

ناوەندی هەواڵ- ھێزەکانی سوپای سوریا قەڵای مێژوویی تەدموریان لەدەست چەتەکانی داعش کۆنتڕۆڵکردەوە.

هێزەکانی سوپای سوریا بە پاڵپشتی فڕۆکە جەنگیەکانی ڕوسیا، لە دوای شەڕێکی چەند ڕۆژەدا لە شاری تەدمور نزیکبوونەتەوە و دوێنێش لە ئەنجامی پێکدادانێکدا لە دەروازەی شارەکە قەڵای مێژوویی تەدموریان لەدەست چەتەکانی داعش کۆنڕۆلکردەوە.

لە ئێستادا فڕۆکە جەنگییەکانی روسیا بەردەوامە لە پاڵپشتیکردنی سوپای سوریا بۆ کۆنترۆڵکردنەوەی تەدمور، بەڵام سوپای سوریا بەتەواوی ناتوانرێت پشت ببەستێت بەبۆردومانەکان، چونکە ترسی ئەوەی ھەیە زیانی زیاتر بەشوێنەوارە مێژووییەکانی شاری تەدمور بکەوێت. لەلایەکی ترەوە وەزارەتی بەرگریی روسیا رایگەیاندووە، کۆنتڕۆڵکردنەوەی شاری تەدمور کارئاسانییەکی باش دەکات بۆ کۆنتڕۆڵکردنی سنورەکانی نیوان سوریاو عێراق لە دەستی تیرۆریستانی داعش.

شاری تەدمور کە لە لیستی کەلەپووری کولتووری جیهانیی یۆنسکۆدا تۆمارکراوە، پێشتریش لە ئاڵۆزییە ناوخۆییەکانی سووریادا زیانی زۆری بەركەوتووە.

(ش ب)