سوپای تورک ژنێک لە قامیشلۆ بریندار دەکەن
16:25
ژنها
قامیشلۆ- هێزەکانی سوپای تورک لە شارۆچکەی نوسەیبین ڕووی چەکەکانیان لە گەلی کورد ناپارێزن و ئەمڕۆش ژنێکی شاری قامیشلۆیان بریندار کرد.
ئەمڕۆ ژنێکی شاری قامیشلۆ بە ناوی(فاتمە جما) بە هۆی گولـلەی هێزەکانی سوپای تورکیا بریندار بوو، فاتمەی تەمەن ٣٦ ساڵان خەڵکی شارۆچکەی 'تربەسپیە' و لە شاری قامیشلۆ لە ئەنجامی گولـلەی هێزەکانی سوپای تورک بریندار بوو، کە شارۆچکەی نوسەیبین-یان گەمارۆ داوە و جار جار نیشانبڕەکانیان لولەی تفەنگەکانیان بەڕووی هاوڵاتیان دەکەن لە قامیشلۆ.
فاتمە بۆ تیمار کردن ڕەوانی نەخۆشخانەی کەلیمەی شارەکە کراوە.
هێزەکانی سوپای تورک کە بەردەوام تۆپبارانی شارۆچکەی نوسەیبین دەکەن، لە شاری قامیشلۆ بەباشی دەبینرێت و هەندێک جار گولـلەی تۆپیش بە نزیک قامیشلۆ دەکەون تەنانەت چەند ڕۆژ بەر لە ئێستاش گولـلە تۆپێک بەر گەڕەکی هلیلیەی شاری قامیشلۆ کەوتبوو.
(ش ب)