هەڵەبجە؛ فیستیڤالی 'ژیانمان به خۆراکى گیایى نوێ ده‌که‌ینه‌وه' بەڕێوەچوو
16:27
ژنها
هەڵەبجە- به دروشمى (ژیانمان به خۆراکى گیایى نوێ ده‌که‌ینه‌وه) له نزیک سه‌یرانگاى قلیچ له شارى هه‌ڵه‌بجه سێیه‌مین ڤیستیڤاڵى گیایى و سروشتى به‌ڕێوه‌چوو.
ئه‌مڕۆ 7ی نیسان به دروشمى (ژیانمان به خۆراکى گیایى نوێ ده‌که‌ینه‌وه) له نزیک سه‌یرانگاى قلیچ له شارى هه‌ڵه‌بجه به سه‌رپه‌رشتی هەردوو ڕێکخراوى نوێ بۆ پاراستنى ژینگه و مافه‌کانى ژنان، وە ڕێکخراوى ئارامى هه‌ڵه‌بجه بۆ پاراستنى مرۆڤ و ژینگه، سێیه‌مین ڤیستیڤاڵى گیایى و سروشتى به‌ڕێوه‌چو.
ئامادەبووانی فیستیڤالەکە ڕایانگەیاند کە ئامانجیان لەو فیستیڤالە له بریتى بوو له تێکه‌ڵکردنى فیستیڤاڵه‌که به سرووشت و کردنه‌وه‌ی بازاڕێک بۆ خۆراکه گیایى و سروشتیه‌کانه، هەروەها به‌شدار بووانى ئه‌م فیستیڤاڵه سودمه‌ند ده‌بن له بوارى ماددى به فرۆشتنى به‌رهه‌مه خۆماڵییه‌کانیان که لە فیستیڤالەکاندا نمایشى ده‌کرێن.
فیستیڤالەکە هەر ئەمڕۆ کۆتایی هات.
(ش ب)