لەماوەی دە ڕۆژدا ٣٠ هاوڵاتی لە شاری ورمێ لەسێدارە دراون
15:10
نیسان
20
/ 2016
ژنها
ناوەندی هەواڵ- بەپێی سەرچاوەكانی هەواڵ، دوێنێ١٩/٤چوار هاووڵاتی كورد بە (تاوانی مادەی سڕكەر) لەلایەن حكومەتی ئێرانەوە لە سێدارە دراون.
لەوبارەیەوە ئاژانسی هەواڵی كوردپا بڵاویكردۆتەوە، كە بەرپرسانی حكومەتی ئێران لە زیندانی "دەریا"ی شاری ورمێ، حوكمی لەسێدارەدانیان لەسەر چوار زیندانی سیاسی كورد بەناوەكانی "مەجید مورادی، ئەحمەڕ موحی، عەلیرەزا ساریان و مەنسوور رازیانی" جێبەجێ كردووە.
تۆڕی مافی مرۆڤی كوردستان لەگەڵ بڵاوكردنەوەی ئەو هەواڵە، تۆمەتە لە پاڵدراوەكانی ئەو چوار زیندانییە كوردەی بە" تاوانی ماددەی سڕكەر" راگەیاندووە.
بەپێی ئامارێك، تەنها لە شاری ورمێ ژمارەی لە سێدارە دراوەكان لە ماوەی 10 رۆژی رابردوودا، كە لە میدیاكاندا بڵاوكراوەتەوە، گەیشتووەتە 30 كەس.
(ش ب)