ژنێکی باکوری کوردستان دەبێتە سەرۆکی پەرلەمانی ویلایەتی ڤوورتمبێرگ
11:47
ژنها
ناوەندی هەواڵ- بۆ یەکەمین جار لە مێژووی ئەڵمانیادا کوردێک بە سەرۆکی پەرلەمانی ویلایەتی بادێن- ڤوورتمبێرگی ئەڵمانیا هەڵبژێردرا.
موحتەرەم ئاراس، ژنە سیاسەتمەداری تەمەن ٥٠ ساڵان کە خەڵکی شاری چەولیگی باکووری کوردستانە، ئەندامی پارتی سەوزی ئەڵمانیایە و بە سەرۆکی پەرلەمانی ویلایەتی بادێن- ڤوورتمبێرگ هەڵبژێردرا.
موحتەرەم ئاراس یەکەم کورد و یەکەم ژنە سەرکردەی پارتی سەوزە کە ببێت بە سەرۆکی پەرلەمانی ویلایەتێک لە ئەڵمانیا.
موحتەرەم ئاراس کە گوتەبێژی راوێژکاری دارایی پارتەکەیەتی، لە هەڵبژاردنی پەرلەماندا سەدا ٤٢.٤ی دەنگەکانی بەدەستهێنا و بە زۆرینەی دەنگ بوو بە سەرۆکی پەرلەمانی هەرێمی بادێن- ڤوورتمبێرگ.
موحتەرەم ئاراس، لە ساڵێ ١٩٦٦ لە شاری چەولیگی باکووری کوردستان لەدایک بووە. لە ساڵی ١٩٧٨دا کۆچی کردووە بۆ ئەڵمانیا.
لە ساڵی ١٩٩٢ەوە پەیوەندی کردووە بە ریزەکانی پارتی سەوزی ئەڵمانیاوە و لە ساڵی ٢٠١١ دا وەک پەرلەمانتار هەڵبژێردراوە.
(ش ب)