هاوسەرگیری شەش منداڵی کچی ژێر ١٠ ساڵان لە پارێزگای کوردستان
09:21
ژنها
ناوەندی هەواڵ- بە پێی وتەی بەرپرسی گشتی سەبت و ئەحواڵی کوردستان، لە ساڵی ڕابڕدوو شەش نمونەی هاوسەرگیری کچی ژێر دە ساڵ لە پارێزگای کوردستان تۆمار کراوە.
ئاژانسی هەواڵنێری ناوخۆی ئێران "ئیرنا" لە وتووێژێک لەگەڵ بەرپرسی گشتی بەڕێوەبەرایەتی ناسنامەی (سەبت و ئەحواڵی) لە ڕۆژی پێنجشەممە ١٩گوڵان ڕایگەیاند کە جگە لە هاوسەرگیری شەش کچی تەمەن ژێر لە ١٠ ساڵ لە ساڵی ڕابڕدوو، ١٦٤ نموونە هاوسەرگیری ژنان لەگەڵ پیاوانی٢٠ ساڵ گەورەتر لە خۆیان ڕاگەیاندراوە.
هاوسەرگیری منداڵانی ژێر ١٨ ساڵ لە ئێران بەردەوامی هەیە، ساڵی ڕابردوو شەهین دۆخت مەولا جيگرى سه رۆك کۆماری ئێران له به شى ژنان و بنەماڵه سەبارەت بە ڕێژەی مەترسیداری هاوسەرگیری منداڵانی ژێر ١٨ ساڵ هوشداری دابوو. بە پێی ئەژماری سندوقی پاراستنی منداڵانی ڕێخراوی نەتەوە یەکگرتووکان. مەترسیەکانی دووگیان بوون و منداڵ بوون یەکێک لە سەرەکیترین هۆکاری مردنی کچانی لە تەمەنەکانی ١٥ تا ١٩ ساڵ لە جیهانە و ساڵانە دەبێتە هۆی مردنی ٧٠ هەزار کچ.
(ش ب)