شاندێکی KJAR سەردانی کۆمیتەی ڕێکخستنی ژنانی کۆمەڵەیان کرد
16:16
ژنها
ناوەندی هەواڵ - شاندێک لە کۆمەڵگای ژنانی ئازادی رۆژهەڵاتی کوردستان KJARسەردانی کۆمیتەی رێخستنی ژنانی کۆمەڵەی کۆمینیستیان کرد.
چاوپێکەوتنەکە بە ئامادە بوونی هاوسەرۆکی پارتی ژیانی ئازاد(PJAK) "ئەڤیندار رێناس" و "زیلان ڤەژین" ئەندامی کۆردیناسیۆنی کەژار رۆژی سێشەممە رێکەوتی ١٤-٦-٢١٤ لە بارەگای ناوەندی کۆمەڵەی کۆمۆنیست بەڕێوە چوو.
لەم چاوپێکەوتنەدا لەگەڵ هەڵسەنگاندنی رەوشی ناوچەکە و ئێران و بەتایبەت رۆژهەڵاتی کوردستان، رەوش و رۆڵی ژنان لەگۆرانکاری قۆناغی ئەمرۆدا هەڵسەنگێندرا.
هەر وەها جەخت لە سەر گرنگی رۆڵی ژنان لە تێکۆشان دژ بە عەقڵیەتی دەسەڵات پارێزی پیاوسالار لە هەر چوار لای کوردستان و رۆژهەڵاتی ناوین کرایەوە. لە سەر ئەم بنەمایە گفتوگۆ دەربارەی ئەو کێشانەی کە رۆژانە لە ئێران و رۆژهەڵات دا رووبەرووی ژنان دەبێتەوە و رێخستن کردنی و یەکگرتنی ژنان بۆ کۆتایی هێنان بە سیاسەتەکانی دژە ژنی دەوڵەتی ئێران هێندرایە زمان و شرۆڤەیێکی زۆر لە سەر بابەتەکە کرا.
لەم گفتوگۆیەدا ڕێگا چارەی بە هێز لە بوارەکانی سیاسی، کۆمەڵایەتی، نەتەوەیی و پێشەنگایەتی ژنان لە پێکهێنانی ئەم ڕێگا چارانەدا بە ئاوایێکی شەفاف ئیشارەیان پێکرا.
لە کۆتایی دا جارێکی تر جەخت لەسەر بەرفراوان کردنی بازنەی تێکۆشانی ژنان لە هەموو بوارەکانی سیاسی، پاراستن، ئابووری، کۆمەڵایەتی و کلتووری و هەر وەها یەکگرتوویی ژنان کرایەوە.
(ش ب)