هێزەکانیYPG-YPJ و تیمە پسپۆرەکان ٤٠٠ بۆمبیان پوچەڵ کردەوە
16:02
سۆرگوڵ شێخۆ/ ژنها
تل تەمەر – تیمەتایبەتەکانی شەرڤانانی یەکینەکانی پاراستنی گەل و پاراستنی ژنان(YPG-YPJ) ٤٠٠ بۆمبیان پوچەڵکردەوە.
شەڕڤانان لە هەڵمەتێکی بەرفراوان بە بەشداری چەندین تیمی شارەزای پوچەڵکردنەوەی مین و تەقەمەنی ٤٠٠ بۆمیان لە شارۆچکەی مەبروکای کانتۆنی جزیرەدا پوچەڵکردەوە، ئەو هەرێمە پێشتر لە ژێر دەستی چەتەکانی داعش دابوو لە کاتی هەڵمەتی شەهید رووبار قامیشلۆدا، ئازادکرا.
لەوبارەیەوە تۆلهەلدان سەرحەد بە ئاژانسەکەمانی ڕاگەیاند: "بە گوێرەی زانیاریەکان زیاتر لە ١٤٠٠ بۆمب لەلایەن چەتەکانەوە لەو هەرێمە چێندراون، کە مەترسی زۆریان بۆ سەر هاوڵاتیان و بۆ سەر شەرڤانان هەیە، لە میانەی هەڵمەتێکدا ٤٠٠ بۆمبی چێندراومان پوچەڵکردەوە."
تۆڵهەڵدان ڕاشیگەیاند کە ئەوان بۆ بەرگریکردن لە هاوڵاتیانی هەرێمەکە هەموو کاتێک لە ئامادەباشی دان، هەروەها وتیشی: "بۆ ئەوەی هاوڵاتیان بتوانن بە ئازادی بجوڵێنەوە و مەترسی سەر ژیانیان نەمێنێت نزیک مانگێکە تیمەکانمان دەستیان بە پاککردنەوەی بۆمبە چێندراوەکان کردوە."
(ش ب)