عەفرین، دایکی ٨ منداڵ بە کوژراوی دۆزرایەوە
12:43
تەمموز
10
/ 2016
ژنها
عەفرین – لە کانتۆنی عەفرین تەرمی ژنێک لە ماڵەکەی خۆی دۆزرایەوە کە بە یەک گولـلە کوژراوە.
ئەمڕۆ سەر لە بەیانی سەرچاوەیەک لە هێزەکانی ئاسایشی رۆژئاوای کوردستان لە کانتۆنی عەفرین ڕایگەیاند: لە گوندی حاجی ئەسکەندەری ناوچەی جندرێس، ژنێکی ٣٥ ساڵان بەناوی رەشا یونس کە دایکی ٨ منداڵە بە کوژراوی لە ماڵەکەی خۆیدا دۆزراوەتەوە.
ئەو سەرچاوەیە ڕاشیگەیاند کە گولـلە لە سەری ژنەکە دراوە و لە ئەنجامدا گیانی لەدەستداوە.
تا ئێستا هۆکاری کوژرانی ئەو ژنە نەزانراوە، هێزەکانی ئاسایشی ڕۆژئاواش بەدواداچوون بۆ ئەو ڕووداوە دەکەن.
(ش ب)