دادگا بڕیاری لە سێدارەدانی بۆ بکوژی 'مینا' دەرکرد
12:59
تەمموز
10
/ 2016
ژنها
دهۆک - دادگای دهۆک بە تاوانی کوشتنی بە ئەنقەست سزای لەسێدارەدانی بۆ بکوژی منداڵەکەی دهۆک "مینا" دا بڕیەوە.
سەرچاوەیەک لە دهۆکەوە بە "ژنها"ی ڕایگەیاند، ئەمڕۆ ١٠ی تەموزی ٢٠١٦ دادگای دهۆک سزای لەسێدارەدانی بۆ بکوژی مینا ئەو منداڵەی تەمەنی ساڵ و نیوێک بوو دەرکرد.
مینای تەمەن ساڵ و نیوێک دوای دیارنەمانی بۆ ماوەی ١٠ ڕۆژ، لە ٢٠ی حوزەیرانی ٢٠١٦دا تەرمەکەی بە پارچەپارچەکراوی دۆزرایەوە.
بەپێی وتەی پۆلیسی دهۆک، منداڵەکە لەلایەک کەسێکی تەمەن ٢٦ ساڵەوە فڕێندرا و دوای کوشتنی هەر لە گوندەکەی خۆی کە گوندی بەرئاشێیەی ناوچەی بەرواریانی سەر بەپارێزگای دهۆک بەپارچە پارچەکراوی کردییە ژێر خاکەوە، تاوانبارەکە بەپێی ماددەی ٤٠٦ی یاسای سزادانی عێراقی سزا دراوە.
(ش ب)