ژنها

دیلۆک – بە خاکسپاردنی تەرمی شەهیدانی کۆمەڵکوژی شاری دیلۆکی باکوری کوردستان بە مەراسیمێکی جەماوەری و بەدەم وتنەوەی دروشمی بکوژ ئەردۆغان دەستی پێکرد.

دره‌نگانی شه‌وی شەممە، ته‌قینه‌وه‌یه‌ک له‌ شاری دیلۆک له‌ باکوری کوردستان ڕوویدا، ته‌قینه‌وه‌که‌ به‌شداربوانى زه‌ماوه‌ندێکى کردە ئامانج، لە ئەنجامدا ٥١ هاوڵاتی شەهید بوون، لەوانە دوێنێ ئێوارە تەرمی ٤١ هاوڵاتی بەخاکسپێردران.

لە مەراسیمەکەدا ئەردۆغان ئیدانە کراو دروشمەکانی بکوژ ئەردۆغان، شەهید نامرن، بژی سەرۆک ئاپۆ، بە گیان بەخوێن لەگەڵتاین ئەی سەرۆک" وترانەوە.

لەلایەکیترەوە پۆلیس و سەربازانی دەوڵەتی تورک گۆڕستانیان گەمارۆ دابوو، بەڵام سەرەڕای هەموو گەمارۆ و هێرشەکان هاوڵاتیان دوای بە جێهێنانی واجبە ئایینیەکان تەرمی شەهیدانی دیلۆکیان بە شکۆوە بەخاکسپارت.

(ش ب)