فەرماندەی ئەنجومەنی سەربازی جەرابلوس تیرۆر کرا
10:09
ئاب
23
/ 2016
ژنها
منبج - عەبدولستار ئەلجادر فەرماندەی گشتی ئەنجومەنی سەربازی جەرابلوس لەلایەن ئەندامانی میتی تورکیاوە تیرۆر کرا.
فەرماندی گشتی ئەنجومەنی سەربازی جەرابلوس عەبدولستار ئەلجادر ئەمڕۆ بە لێدوانێک ئەنجومەنی سەربازی جەرابلوسی ڕاگەیاند و وتی لە دژی پلانەکانی تورکیا کە جەرابلوسی داگیر کردووە ڕادەوستن.
ئەلجادر دوای سێ کاتژمێر لە لێدوانەکە لەلایەن سیخوڕانی میتی تورکیاوە لە بەرەی شێخلەر بە قەناس بەسەختی بریندار کراو سەرەڕای هەموو هەوڵدانەکان ژیانی لەدەست دا.
دواتر دوو سیخوڕی میت کە ڕۆڵیان لە هێرشی نیشانگرەکەدا هەبووە لەلایەن شەڕوانانی ئەنجومەنی سەربازی جەرابلوسەوە دەستگیر کران و لێکۆڵینەوە لەگەڵیان دەستی پێکردووە، چاوەڕوان دەکرێت سەبارەت بەم ڕووداوە ئەنجومەنی سەربازی جەرابلوس لە چەند کاتژمێری داهاتوو لێدوانێک بدات.
(ش ب)