لە ڕۆژهەڵاتەوە، دژی داگیرکاری دەوڵەتی تورکیا کەمپینێک ڕاگەیاندرا
10:27
ژنها
ناوەندی هەواڵ – دژ بە داگیرکاری سوپای تورکیا بۆ سەر خاکی ڕۆژئاوای کوردستان، ژمارەیەک نووسه‌ران، رۆشنبیران و چالاکانی سیاسی لە ڕۆژهەڵاتی کوردستان بە بەیاننامەیەکی فەرمی کەمپینێکیان ڕاگەیاند.
سنور بەزاندن و هێرشەکانی دەوڵەتی تورکیا بۆ سەر خاکی ڕۆژئاوای کوردستان ناڕازایی زیاتری لێدەکەوێتەوە، لە ڕۆژهەڵاتی کوردستان، لە ژێر ناوی 'هاودەنگ بوون لەگەڵ بەرخۆدانی ڕۆژئاوا' کەمپینێک ڕاگەیاندرا.
کەمپینەکە بە بەیاننامەیەک بۆ ڕای گشتی و ڕاگەیاندنەکان ئاشکرا کرا و لە وێنەیەکی کە بۆ ئاژانسەکەمان نێردراوە هاتوە: "ئێمه واژۆکه‌رانی ئه‌م به‌یاننامەیە وێڕای ئیدانه‌کردنی هێرشی تورکیا بۆ سەر ڕۆژئاوا و سیاسه‌تی به‌رژه‌وه‌ندیخوازانه‌ی هێزه داگیرکه‌رانی تر، خوازیارین کە گشت بڕواداران بە گوێرەی ئەم پێویستیە، بە هەستپێکراوترین شێواز، خۆیان بگەیەنن بەم شۆڕشەوە. له هه‌نگاوی یه‌که‌م هاوده‌نگی و کۆده‌نگیمان دەکەینە یەک و راده‌گه‌یه‌نین گه‌ل و سه‌نگه‌ره‌کانی به‌رخۆدان له رۆژئاوا، له‌م رۆژه سه‌ختانه‌دا ته‌نیا نین و ئێمه هه‌مووکاتێک له‌گه‌ڵیان راوه‌ستاوین."
دەقی بەیاننامەی کەمپینی هاودەنگ بوون لەگەڵ بەرخۆدانی ڕۆژئاوا:
"له سه‌رهه‌ڵدانی رۆژئاوا دوای ده‌سپێکی شه‌ر تا ئێستا هێزی نیزامی کورد له‌ژێر سیستەمی خۆسه‌ری دیموکراتیک له شه‌ڕی داعش بۆ پاراستنی سنوره‌کانی خۆیاندان. له ساڵی ٢٠١٤شاهێدی به‌رخۆدانی مه‌زنی کۆبانی له به‌رامبه‌ر هێرشی هه‌مه‌لایەنه‌ی داعش و هاوپه‌یمانانی بووین. ئه‌م هێرشه کاتێک روویدا که ستراتژی وڵاتانی رۆژئاوایی و هاوپه‌یمانانی له سووریا‌دا تێکشکابوو. خه‌ڵکی کۆبانی به ژن و پیاو، لاو و پیر چه‌کیان هه‌ڵگرت به ئیراده‌یه‌کی پۆڵایین له که‌رامه‌تی مرۆڤایه‌تی داکۆکیان کرد و پشتیوانی هه‌مه‌لایەنە‌ی خه‌ڵکی ئازادیخوازی جیهانیان له‌گه‌ڵ خۆیان بینی.
رۆژئاوا ئێستا زیاتر له هه‌ر کاتێک له‌ژیر گه‌مارۆی قورسی نیزامی، سیاسی و ئابووری وڵاتانی تۆتالیتر و هێزه دواکه‌وتوو و نادیموکراتیکه‌کانە. ئێستاش زیاتر له هه‌موو کاتێک روونبۆتەوە که نه‌یارانی رۆژئاوا ئه‌م سیمبۆله‌ی تێکۆشان بۆ ئازادی، که‌رامه‌تی مرۆڤایه‌تی و دادپه‌روه‌ری ره‌گه‌زی و کۆمه‌ڵایه‌تی، نه‌ته‌نیا داعش، جه‌یشولفه‌تح و ئه‌ل-نوسره-ن؛ به‌ڵکوو کۆی ئه‌و هێزه ناوچه‌یی و جیهانیانەن که وه‌ک هەمیشە رێگایه‌ک جگه له به‌ربه‌ست کردنی دیموکراسی گه‌ل و تاڵان کردنی ماڵ و سامانیان ناناسن. هه‌ر ئه‌وانه‌ی به تانک و گوللـە و تفه‌نگ دێن و شه‌ر و وێرانی و مه‌رگ و خوێن به جێ دێلن له‌هه‌ر لایه‌که‌وه دژی رۆژئاوا یه‌کیان گرتووه، به‌ڵام رۆژئاوا بەردەوامە لە نوسینەوەی مێژووی خۆی هه‌رچه‌ندە لە هەلومەرجێکدا کەخۆی هه‌ڵی نه‌بژاردووه.
له کاتێکدا، تورکیا و هاوپه‌یمانە دواکەوتەوەکانی که ناوێکی تری داعشن، ئاشکرا و راسته‌وخۆ که نه‌یارانی شۆرشی رۆژئاوا و سووریان. هێشتا که‌سانێک هه‌ن که نازانن " جرابلۆس" ، "ترابلۆس" نییه و جگه له ئه‌سه‌د و داعش و هاوپه‌یمانانیان بژارده‌یه‌کی تر له سووریا بوونی هه‌یه: شۆرشی ساوای رۆژئاوا که ده‌توانێت به هه‌موو سووریا په‌ره‌بستێنێت و ته‌نانه‌ت له ده‌ره‌وه‌ی سنووره‌کان له هه‌موو رۆژهه‌ڵاتی ناوین گه‌شه بکات.
له‌م ناوچه‌ی خۆسه‌ری دیموکراتیکه؛ کورد، عه‌ره‌ب، تورکما‌ن، سریانی و ... خواستی ئافراندنی ئەزموونێکی بێ هاوتایان هەیە. بریاریان داوە پێکه‌وه ئینسانی بژین، که شۆرش دژی پیاوسالاری ، تێکه‌ڵاوی ئایین و ده‌وڵه‌ت، سیستمی کاپیتالیستی و داگیرکه‌ری هێزمه‌ندانه دووباره مانا بکه‌ن که شۆرش بۆ یه‌کسانی، سکۆلاریزاسیۆن، دیموکراسی جڤاکی و سیاسه‌تی گه‌ل هێزێکی دووباره ببه‌خشن. له‌م ساتانه‌دا که‌سانێک که ته‌نانه‌ت ناویشیان دوای گیانبه‌ختکردنیان له‌شه‌ری دژی ئه‌هریمه‌نه‌کان نابیستین( ئه‌وان بۆ خۆ ناساندن و خۆدانە پێش نەهاتوون و نایەن) له هه‌ر بستێ خاکی ئه‌م جیهانه‌دا خۆیان به سه‌نگه‌ره‌کانی به‌رخۆدانی ئازادترین مرۆڤه‌کانی جیهان له دژی دره‌نده‌ترین دوژمنانی مرۆڤایه‌تی ده‌گه‌یه‌نن؛ تا به بیرمان بێنن بیره‌وه‌ری هاوده‌نگی له کۆمۆنی پاریس، به‌رخۆدانی ڤیتنام، شه‌ری ئه‌لجه‌زایر، ئیسپانیا، فه‌له‌ستین، چیاپاسی مکزیک و ...کۆده‌نگی بۆ مه‌زنی ژینی ساتێک که گه‌وره‌یی له‌و په‌ری جوانی وشه‌ی "مرۆڤه".
ده‌توانین ره‌خنه‌ی زۆرمان له هه‌نگاوه‌کانی شۆرشی رۆژئاوا بێت، ده‌توانین به هه‌زار و یه‌ک هۆ بۆ نه‌بوونمان له سه‌نگه‌ره‌کانی به‌رخۆدان پاساو بهێنین. به‌ڵام ناتوانین تۆوی بزووتنه‌وه‌یه‌کی پێشکه‌وتوو کە لە دڵی رۆژهه‌ڵاتی ناوینی لانکەی دیکتاتۆرییه‌تی سێکۆلار و ئیسلامیستی فاشیست-دا چەکەرەی کردووە، پشتگوێ بخەین. ئه‌م شۆرشه زیندوو و دینامیکە، فێرده‌کات و فێرمان ده‌کات. ئه‌مرۆ داکۆکی له شۆرشی رۆژئاوا هه‌ڵسه‌نگاندنی به‌رپرسیارێتی به مرۆڤایه‌تی و رزگارییه. ئه‌رکی ئه‌مرۆی ئێمه‌یه که ئارمانی رۆژئاوا به هێزێکی پێکه‌وه‌دراوی کۆده‌نگییه‌کی جیهانی و ناوچه‌یی گرێ بده‌ین.ئه‌م کۆده‌نگییه ئه‌مرۆ زیاتر له‌هه‌ر کاتێک پێویسته، چونکه تورکیه رایگه‌یاندووه که بوونی هێزێکی خۆسه‌ری دیموکراتیک به به‌شداری زۆرینه‌ی کورد له سنووره‌کانی خۆی قه‌بووڵ ناکات. بۆ ئه‌وه به کۆی هێزی و به ئامانجی له‌باربردنی رۆژئاوا به گێژاوی سوریا هه‌نگاوی ناوه. ئه‌گه‌ر داگیرکاری تورکیا وه‌ک یه‌کێک له هێزه‌کانی ناتۆ پاڵپشتی هێزه‌کانی جیهانی له‌گه‌ڵ بێت، به به‌کارهێنانی چه‌کی قورس ده‌توانێ کاره‌ساتێکی ئینسانی مه‌زن وه‌ک ئه‌وه‌ی له شنگال روویدا بخوولقێنێت. له لایه‌تره‌وه به به‌رچاوگرتنی ئاڵۆزی هێزه‌کانی سوریا و ره‌واڵه‌تی دواکه‌وتوویی زۆرینه‌ی ئه‌م هێزانه له لایه‌ک و به‌شخوازی هێزه داگیرکه‌ره ده‌ره‌کیه‌کان له لایه‌کی تره‌وه، رۆژئاوا وه‌ک ته‌نیا سه‌رچاوه‌ی هیوایه که به پێناسه‌ی دیموکراتیکی ده‌توانێ وه‌ک رێگاچاره‌ی رزگاریخواز بۆ ئه‌مرۆی سوریا رۆڵ ببینێت.
ئێمه واژۆکه‌رانی ئه‌م به‌یاننامەیە وێرای ئیدانه‌کردنی هێرشی تورکیا بۆ رۆژئاوا و سیاسه‌تی به‌رژه‌وه‌ندیخوازانه‌ی هێزه داگیرکه‌رانی تر که ده‌ره‌نجامێکی جگه له په‌ره‌سه‌ندنی هێزه نادیموکراتیکه‌کان نییه. پێمان وایه رێگایه‌ک جگه له پشتیوانی هه‌مه‌لایه‌نه له رۆژئاوا بۆ ئاشتیخوازان و ئازادیخوازانی جیهان نه‌ماوه. ئه‌م پشتیوانه ده‌توانێ به هه‌ر رێگایه‌ک بێت،ئێمە خوازیارین کە گشت بڕواداران بەم پویستییە، بە هەستپێکراوترین شێواز، خۆیان گرێ بدەن بەم شۆڕشەوە: بە گەیاندنی یارمەتی ماددی، بە ڕێخستنی خۆپیشاندان، بە چێکردنی پووستەر، بە هۆنینەوەی هەڵبەست، بە ئامادەکردنی پارچەموسیقا، بە درووستکردنی فیلم و یان بە هەر شێوازێک لە خرۆشاندنی هەستی جەماوەر لە هەمبەر ئەم پرسەدا. له هه‌نگاوی یه‌که‌م هاوده‌نگی و کۆده‌نگیمان دەکەینە یەک و راده‌گه‌یه‌نین گه‌ل و سه‌نگه‌ره‌کانی به‌رخۆدان له رۆژئاوا، له‌م رۆژه سه‌ختانه‌دا ته‌نیا نین و ئێمه هه‌مووکاتێک له‌گه‌ڵیان راوه‌ستاوین.
تێبینی: هاوده‌نگی له رێی پته‌یشنه‌وه به‌رده‌وامه.
واژۆکان:
(عەباس وەلی، کامەران مەتین، سیلی غەفار، حەسەن مورتەزەوی، موحەمەد ماڵجو، پەرویز سێداقەت، موراد فەرهادپوور، سالێح نەجەفی، کەماڵ خۆسرەوی، ئەکبەر مەعسووم بەیگی، فواد تابان، جلوە جەواهری، شادی ئەمین، گۆنا سەعید، پەروین ئەردەڵان، ئاڤا هۆما، سەبری بەهمەنی، مەهین شۆکرۆڵاپوور، سەحەر دیناروەند، کەژاڵ عەلی، گۆڵرۆخ قۆبادی، پەروین بەختیار نژاد، بەیان عەزیزی، کاوە بەنایی، مۆحەمەدرزا شاڵگوونی، مۆحسێن حەکیمی، بۆرهان عەزیمی، نەجمەدین غۆلامی، مەنسوور تەیفووری، هاشم ئەحمەد زادە، زەردەشت نوورەدین، وەلید عۆمەر، عوسمان مۆزەیەن، شاهێد عەلەوی، زانیار عۆمرانی، سەباح نەسری، ساسان ئەمجەدی، مازیار تاتایی، ئەرسەلان رەیحانزادە، نادر فەتوورەچی، مۆحەمەدرزایی راد، بێهزاد گۆرجی، نیما عیساپوور، ئارەش وەیسی، رزا عەلیپوور، هادی خێرەدمەندپوور، تەیموور ئێلیاسی، ئەمیر کیانپوور، کاوە دارولشەفا، هەژیر پلاسچی، فەرەیدوون تەیمووری، حێسام سەڵامەت، رۆقەیە رزایی، عەباس شەهرابی، تاهێر خەدیو، یوونس قۆربانی فەر، ئەلوار قولیوەند، میلاد پۆشتیوان، دلێر کەمانگەر، فەرزانە جەلالی، فاتمە کەریمی، هاوژین بەقالی، سۆمەیە رۆستەمپوور، ئەفسانە بەهەشتیزادە)
(ش ب)