ژنها

ناوەندی هەواڵ - خواردنى خۆراکە زۆر شیرینەکان کاریگەرى خراپى لەسەر تەندروستى گشتى کەسەکان دەبێت، بەتایبەتیش کاریگەرى تایبەتی نەرێنی لە سەر کچانی منداڵ و ژنان بە گشتی بەجێ دەهێڵن.

بە شێوەیەکى گشتى لە ئێستادا لە خۆراک شیرین لە سەلاجەى ماڵان و مارکێتەکاندا دەست دەکەوێت کەسەکان و بە تایبەتیش مندالان رۆژانە بڕێکى زۆر بەکاردەهێنن و دەیخۆن کە لە درێژ مەودادا کاریگەرى نەرێنى لەسەریان بەجێ دەهێڵێت وەک شەکرە، قەڵەوى و... هتد.


توێژینەوە نوێیەکانیش دەریانخستووە کە ئەو کچۆڵانەى کە زۆرترین بڕی شەکر و شیرینى لە بەرنامەى خۆراکیاندا هەیە زووتر لە هاوتەمەنەکانى خۆیان کە کەمتر رێژەى شەکر لە بەرنامەى خۆراکیان هەیە تەمەنى پێگەیشتنیان پێشدەکەوێت و لە تەمەنەکانى داهاتووشتریشدا ئەگەرى تووشبوونیان بە شێرپەنجەى مەمک زیاترە.

توێژینەوەکە کە لە لایەن زانکۆى هارڤاردەوە ئەنجام دراوە و لە گۆڤارى (Human Reproduction)دا بڵاوکراوەتەوە و ٥٥٨٣ کچى تێدا بەشدار بوون کە تەمەنیان نۆ بۆ ١٤ ساڵ بوو و بۆ ماوەى پێنج ساڵ چاودێریان کراو تویژێنەوەکەیان لەسەر ئەنجامدرا و رەوشى پێگەیشتن و ماکەکانى خواردنى شیرینی لە سەر تەندروستیان لێکدرایەوە.

لە توێژینەوەکەدا دەرکەوت ئەو کچانەى کە لە هەفتەیەک بڕێک زیاتر شەکر لە هاوتەمەنەکانى خۆیانیان وەرگرتووە و لە خۆراکە جیاوازەکاندا خواردوویانە تەمەنى پێگەیشتنیان بە سێ مانگ پێشکەوتووە و پێشکەوتنى ناوادەى کچانیش هۆکارێکى سەرەکى تووشبوونیانە بە شێرپەنجەى مەمک.

شیرپەنجەى مەمک نەخۆشیەکى ژنانە کە ساڵانە بەهۆیەوە بە دەیان هەزار کەس گیانیان لەدەست دەدەن و بە سەدان هەزار ژنیش تووشى ئەم نەخۆشە مەترسیدارە دەبن.

(ش ب)