پەیامی ئۆجالان لە ئامەد ڕادەگەیەندرێت
11:19
ئەیلول
12
/ 2016
ژنها
ئامەد – بڕیارە لە شاری ئامەد و لەگەڵ بەرخۆدێرانی مانگرتنی تا مردن، پەیامی عەبدوڵا ئۆجالان رێبەری پەکەکە بۆ ڕای گشتی ڕابگەیدرێت.
محمەد ئۆجالان برای عەبدوڵا ئۆجالان، ریبەری پەکەکە، کە دوینێ سەردانی ئیمراڵی کرد و چاوی بە عەبدوڵا ئۆجالان کەوت، ئەمڕۆ لەگەڵ پارێزەرانی نوسینگەی حقوقی سەدە لە ئەستەمبوڵەوە چوونە شاری ئامەدی باکوری کوردستان.
بەپێی زانیارییەکان محەمەد ئۆجالان و پارێزەران، سەردانی مانگرتوان دەکەن، کە دژی گۆشەگیرکردنی ئۆجالان چەند رۆژێکە مانگرتن لە خواردن تا مردن-یان راگەیاندووە و لەوێی زانیاری ورد لەسەر چاوپێکەوتنەکەی محەمەد لەگەڵ عەبدوڵا ئۆجالان و پەیامی ئۆجالان بۆ رای گشتی ئاشکرا بکەن.
(ش ب)