ژنها

ئێلح – کارگەی هێڤی ژنان کە لە ژێر چەتری شارەوانی شاری ئێلحی باکوری کوردستان بە هەزارا ژن کاریان تیای دەکرد، لەلایەن حکومەتی تورکیا دەستی بەسەر داگیرا.

کارگەی هێڤی ژنان لە ٢ی تەمموزی ساڵی ٢٠١١دا دامەزراوە بۆ کاری ژنان و بە هەزاران ژن کاری تیا دەکەن، بەڵام لە ئەنجامی دەستبەسەرداگرتنی دەزگا و ڕێکخراو و شارەوانیەکان لە لایەن حکومەتی تورکیا دەستی بەسەر داگیرا.

سەرلەبەیانی ئەمڕۆ گروپێک هەڵیان کوتایە سەر و داوایان کرد بە زووترین کات کەلوپەلەکانیان کۆبکەنەوە، هاوکات پێشیان ڕاگەیاندن کە ئەو شوێنە دەستی بەسەر داگیراوە.

جێگەی ئاماژەیە دوێنێش هەر لەو چوارچێوەیەدا٤ ناوەندی گەل کە خەباتی کەلتور و هونەریان بەڕێوەدەبرد، دەستیان بەسەر داگیرا.

(ش ب)