لە ئەرژەنتین دژ بە کوشتنی کچێکی ١٦ ساڵان ژنان دەڕژێنە شەقام
09:16
تشرینی یەکەم
20
/ 2016
ژنها
ناوەندی هەواڵ - لە وڵاتی ئەرژەنتین ژنان دژ بە توندوتیژی بۆ کچێکی ١٦ ساڵان کە دوای ئەوەی ڕووبەڕووی دەستدرێژی دەبێتەوە پاشان لە ژێر ئەشکەنجە دەکوژرێت، بە هەزاران ژن دەڕژێنە شەقامەکان.
لیزا پەرەزە، کچێکی ١٦ ساڵان بوو کە لە سەردەستی بازرگانانی ماددە هۆشبەرەکان دوای دەستدرێژی کردنە سەری لە ژێر ئەشکەنجە کوژرا. ژنانی ئەو وڵاتەش دژ بەو هێرشە دڕندانەیە چالاکیەکیان بەڕێکخستن کردوە، هاوکات بانگەوازیش لە ژنان دەکەن بڕژێنە شەقامەکان و بەرامبەر بەو هێرشە بێدەنگ نەبن.
بڕیارە ژنان لە ڕۆژی چوارشەمە بڕژێنە شەقام بۆ شەرمەزار کردنی توندوتیژی سەر ژنان و بەتایبەتیش ئەو هێرشەی کە ئەنجامەکەی کوژرانی کچێکی ١٦ ساڵان بوو.
(ش ب)